UMehluli Sibanda uyababa

22 Jun, 2017 - 02:06 0 Views
UMehluli Sibanda uyababa

uMthunywa

YiNtatheli kaMthunywa
UMDLALI osacathula kumdlalo wethenisi uMehluli Sibanda usevuse amehlo ngokutshengisa ubungcitshi kumqhudelwano we-International Tennis Federation Futures oqhutshelwe edolobheni leHarare kuliviki.

Loba esephutshe imidlalo yakhe, uSibanda ubatshazwe ngabaqeqetshi abanengi kanye labacubunguli balumdlalo ababike ukuthi ikusasa yalumdlali inhle.

Umdlali lo ubesejwayele ukuncintisa kuhlandla lama-Under 18 ngakho ubechinsa ukungena enkundleni ye-ITF Futures.

Ukudlala kwakhe kujabulise labanye abakuqembu leZimbabwe ababalisa uBenjamin Lock, Tadiwa Chinamo, Mark Fynn loMunashe Chingono.

USibanda ungomunye wabadlali bakuleli abalakho ukumela isizwe kumincintiswano yaphetsheya.

Ekhuluma lephephandaba likazulu umdlali lo uthe ukuncintisa kumqhudelwano omkhulu njengama-ITF Futures kumenze wazibona ukuthi usekhulile kuthenisi njalo sekumvule ingqondo kwamnikeza amaqhinga okuphumelela.

“Ubunzima umncintiswano wama-ITF Futures ngoba lapha sincintise labadlali abakhulileyo abasitshiye ngeminyaka elitshumi kusiyaphezulu. Ngiphume enkundleni sengifunde okunengi,” kutsho umdlali lo.

Kusenjalo, uSibanda uzaqhubekela phambili elolongela ukuyadlala eGipite emele isizwe kumidlalo ye-Europe/Africa Zone ngoNtulikazi.

Iqula lakhe lizahlangana njalo lakumalungiselelo enkezo enkulu yeDavis Cup leFed Cup.

ITennis Zimbabwe yacina ukuthumela iqembu kuFed Cup ngo2008.

Uthe isizwe seZimbabwe silabadlali abakhonzwa ngumhlaba wonke ngobungcitshi okutsho ukuthi lizimisele ukuncintisa linqobe lentshantshu enkundleni zaphezulu ezifana leFed Cup.

Inkezo yeFed Cup kubikwa ilesisindo esilinganiswa laleso eseDavis Cup.

Isikhulu kwezokuqondiswa kwethenisi kunhlanganiso yeTennis Zimbabwe uCliff Nhlokwara uthe uSibanda labanye bakhe yibo abazaphakamisa ifulegi ngokuba yintshantshu zethenisi emhlabeni.

“Laba yibo abadlali esingathi balekusasa enhle kuthenisi. Kungumlandu wethu kuTennis Zimbabwe ukuthi sibagcine abadlali laba ukuze sibumbe amaqembu aqinileyo.

“Siphakathi kwamalungiselelo okudinga imali yokuthi senelise ukuthumela ithimu kunkezo ye-Europe/Africa Zone.

Sifuna ukubahlolisisa abadlali laba ukuze bangene kuqembu lesizwe,”  kutsho uNhokwara.

Isiphathamandla lesi sithe umdlalo wethenisi ubuyiselwa emuva ngabadlali bakuleli abaphetsheya abangafuni ukumela isizwe.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds