uMthunywa
KHULU ngileminyaka yokuzalwa engu-14. Abazali bami bathi ngiyesokwa eNew Start Centre kodwa ngiyesaba.
Ngiyesaba ukuzwa ubuhlungu njalo angiboni ukuthi kuzanginceda ngani. Ngibatshele njani ukuthi kangifuni kusokwa mina?
Impendulo
Jaha ngibona usuvulekile amehlo njalo usungaba lakho ukuqathanisa okuhle lokubi. Okufanele kwenzakale ngomzimba wakho kumele kube yilokhu okufunayo wena hatshi okufunwa ngabazali.
Usulalo ilungelo lokuxoxisana labo ubabonise ukuba wena kawufisi ukusokwa okwakhathesi. Kungenzeka ukuba ukufise ngesinye isikhathi kodwa hatshi okwamanje. Kuhle ukuba uphumele egcekeni mfana wami ubazise iqiniso.
Kungasenani kuhle ukuthi wazi ukuthi kulobufakazi bezesayensi bokuba ukusoka kowesilisa kuyanciphisa amathuba okuba legcikwane lengculazi nxa uhlangana labesifazane ngesilinganiso esingaba yi-60 phesenti.
Kungakho ukusokwa kuyakhuthazwa ukuthi kusetshenziswe njengendlela yokuvikela ukumemetheka kweHIV.
