uMthunywa
YiNtatheli kaMthunywa
KULESOTSHA elisebenzela enkambeni yeHQ1 Brigade koBulawayo elizibone seliphakathi kwelitshe lembokodo ngemva kokutshaya umkalo ozithweleyo ngoba eyale ukuyahlala ekhaya.
Isotsha leli elingumsolwa uXavier Kwenda oleminyaka yokuzalwa engu-26 kubikwa utshaye umkakhe njalo engumamangala uSharai Mupomwa oleminyaka yokuzalwa engu-23 mhlaka-2 Mabasa ngesikhathi besendlini yabo eselokitshini lePumula Kubikwa ngehola lesithupha mhlaka-2 Mabasa walaya umamangala ukuba kusisa kwakumele abuthe okungokwakhe ayehlala ekhaya.
Kubikwa umamangala wabuza umsolwa isizatho sokuyahlaliswa ekhaya kodwa umbuzo lo kubikwa kawumhambanga kuhle umsolwa ngakho wasecaphuka.
Umamangala kubikwa waqhubekela phambili ngokubuza umamangala ngakho umsolwa wacina esemtshaya ngezibhakela esiswini. Ngemva kwalokho umsolwa kubikwa waqhubekelela phambili wakhahlela umamangala esiswini enganakile ukuba wayezithwele.
Umamangala kubikwa wabaleka wayabika udaba emapholiseni okuyikho okwadala ukuba umsolwa abotshwe. Ngemva kwalokho umamangala wagijinyiselwa esibhedlela seMpilo ukuba ayehlowa ngudokotela ngoba wayesekhala ngobuhlungu besisu.
Incwadi zikadokotela zizasetshenziswa njengobofakazi ekuthonisisweni kwecala leli okwesibili.
Umantshi wemthethwandaba weWestern Commonage uMnumzana Maphios Moyo kabuzanga umsolwa ukuba uyalilandula kumbe uyalivuma icala lakhe ngakho umvalele esitokisini.
Inkundla izabuye ithi gwaqa njalo lamuhla sekuzothonisiswa icala leli okwesibili.
