Uncategorized

Sebebhema imilotha yabafileyo abe-nyaope!

26 May, 2017 - 12:05 0 Views
Sebebhema imilotha yabafileyo abe-nyaope! Ababhema inyaope sebetshontsha umlotha wabafileyo

uMthunywa

ABAFANA ababhema, imbanje, inyaope lokunye okunjalo baziwa ngokuziphatha ngendlela ezingazwisisekiyo njalo ezidida amakhanda abantu. Kodwa-ke lokhu asebekwenza kulezinsuku kutshaqisa umzimba nanko phela kubikwa sebetshontsha umlotha wemizimba yabantu abafileyo abatshiswayo besenzela ukubhema limilotha.

Sokuvulwe amacala amanengi abantu ababhema inyaope okubikwa ukuthi batshontsha amabhokisi athwele imilotha yabantu abafayo eMooifontein Cemetery eKempton Park, Ekurhuleni lase Avalon Cemetery eSoweto kweleSouth Africa.

Izisebenzi zakulezi ndawo okulondolozwa khona abafileyo zibikele iphephandaba leDaily Sun ukuthi amangcwaba amanengi sagejwa njalo kucatshangelwa ukuthi ngabantu ababhema inyaope abakwenzayo lokhu bedinga umlotha wabafileyo.

Izihlobo zalabo abangcwatshwe kulezi ndawo sezacela uhulumende ukuthi aqinise ukuvikeleka kwendawo lezi.

Isikhulumi samapholisa eNorkem Park Police Station uKaputeni Lesibana Molokomme uthe manengi amacala asavulwayo ngamangcwaba agejwayo kudingwa umlotha wabafileyo.

“Sesavula amacala ayedlula amahlanu okugejwa kwamangcwaba,” kutsho uMolokomme.

Uthe sokwabotshwa abathathu njalo amacala abo alokhu esemthethwandaba.

UMolokomme uthe ngeke atsho ukuthi abantu laba bayabe bedinga umlotha ukuze bawubheme. — Ubulembu

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds