Inhlupho zalamuhla. . . Isitho sami siyaphela amandla

18 May, 2017 - 00:05 0 Views
Inhlupho zalamuhla. . . Isitho sami siyaphela amandla

uMthunywa

Ngizithwele, abalifuni ijaha lami
KHULU: Ngingumama oleminyaka engu-23. Ngizithwele kodwa abazali bami abalifuni ijaha lami. Ngenzeni?

Impendulo
Khumbula mzukulu kukabili okuyizinto lokhu, okokuqala yilokhu, akulalutho olutsha emhlabeni zonke izinto zindala.

Okutsha kukulowo oqalisa ukuhlangana lakho. Zwana, kwake kwaba khona ijaha elalinguSamsoni lona lingumJuda ngokuzalwa. Abazali bakhe bamenqabela ukuthatha intombi yomFilistiya. Yena wathi akuthola entombini yakwaJuda uyakuzuza entombini yesiFilistiya. Waqhubeka ngokunambitheka kwayo kodwa yamcinisa eseyisiphofu wafa ukuhlupheka kwakhe yedwa. Khonokhu kukhona lasezintombini lalamuhla. Pho! Thina khathesi asilawo umthetho osenqabela ukuthathana.

Libobhala kuphelele lingazise isizatho abangabalaso kumbe bazonda ukuthi lisela noma ngumbulali ohlala ejele, ngeke ngibasole abazali bakho nxa eyikho lokhu ngoba lendulo kwakuthiwa nyama yembongolo khetha omthandayo ngoba uzayidla wedwa leyonyama yembongolo ngoba iyabe ithandwe nguwe.

Phinda futhi ufake imbangela lezizatho zokukwalela, ukhulu uzakuphendula lula, libeselitshada udoremido.

Isitho sami sibanga umsindo
KHULU: Ngiyakubingelela Khulu. Ngiyintombazana eleminyaka yokuzalwa engu-22, ngilomntwana olomnyaka owodwa yilo izibulo lami. Ngabeletha ngoMabasa nyakenye, uhlupho lwami yikuthi nxa ngingakhothama nxa sengivuka lanxa ngihamba esithweni sami kuyabe kusenza umsindo onjenga nxa umuntu ekhupha umoya, ngicela lingincede Khulu ngohlupho lolu. Ngicela lingiphendule.

Impendulo
Nansi impendulo mzukulu. Yikho kwakusithi umuntu angabeletha isisu sibotshwe kusenzelwa ukuthi amathebe angaxegi. Zama ukuthi usebenzise ikhosethi ebopha isisu sakho wandise ukunatha umgugudu noma intolwane.

Ungaze wakuvunula lokhu kodwa kunathe. Kuzawomisa isibeletho sakho. Ngomusa ungasebenzisi izihlahla zemvunulo ngoba amathebe akho akhuhluzeka ubeletha,  yinhlanhla wawufanele uku-opharethwa. Ngokuya kwesikhathi kuzahlangana.

Isitho sami siyaphela amandla
KHULU:  Ngileminyaka engu-31, ngilomfazi njalo ngiyatshada lonyaka. Udubo lwami yikuthi isitho sami siyaphangisa ukuphela amandla. Ngazama kubosiyazi kwala. Ngithini ukuze ngisuthise unkosikazi wami?

Impendulo
Kwaqala nini, kutheni ukuthi isitho sakho siphele amandla? Lokhu yikho okungenza uthole usizo. Kungenzeka ukuthi wabotshwa ngulowomuntu owayefuna ukuthathwa wena wasusiba litshapha. Okunye ongakwenza yikuguqula ukudla okudlayo. Ngozwelo ngithi thatha ihloka lakho ungene igusu ubelesawudo elicholiweyo ugamule isihlahla senkamasane kanye sizavuza uchago uluphosele isawudo khonapho ogamule khona.

Uchago lwenkamasane lungaba lesawudo ulukhothe uginye ufulathele ungakhangeli emuva. Lokhu  kuyaqeda lokukhefuzela kokuthi ngasilela mayebabo. Zama  khona lokhu uphinde futhi ungazise ukuthi ususizwa njani.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds