Inhlupho zalamuhla: Kaselandaba lami

04 May, 2017 - 00:05 0 Views
Inhlupho zalamuhla: Kaselandaba lami

uMthunywa

Kaselandaba lami
KHULU: Sengidubekile mina umkami kasangiboni. Kasela kungibuka kwakudala njalo ngingaze ngikhulule impahla njani vele kungani ukhangele isigodo kalandaba lami. Endlini yokulala kasisathintani. Ngenzeni ngoba kungathi uselomakhwapheni kungakho mina kangisamjabulisi.

Kwezinye insuku ngiyake ngicabange ukudinga umuntu ozangisuthisa kwezamacansi ngoba ngisesemncane njalo ngilemizwa Khulu. Nceda bo.

Impendulo
Zwana kuthathe kimi ukuphumelela kwakho. Mzukulu ungaqali ukuphuma usiyadinga ukusuthiswa emacansini ngoba lokhu kungakuchithela umuzi wakho. Mzukulu wena qhubeka uzehlisa kumyeni wakho njalo umenzele nje konke obumenzela khona, kwelinye ilanga uzazibona ukuba uyaphambanisa. Okunye mzukulu lapho efuna ukuhlangana lawe wena uthi usufuna ukuzivikela ngokusebenzisa ijazi lomkhwenyana funa akuphathele umkhuhlane lapho azijabulisa khona.

Kukhulumeni okuyinto lokhu funa usefuna imbiza yomuthi. Akazange yini anathe umachamisa? Uyaquma imithambo yemizwa, mbuze akhulume. Angala ukukhuluma, phenduka sizakulayela lapho angelatshwa khona.

Ubabazala kafuni kungibona
KHULU: Ngendele emulini yakoSibanda. Ubaba wakhe uyangizonda uthi kungani umntanakhe wangithatha mina ngilomntwana. Umntanami uleminyaka yokuzalwa emibili. Ngamzala ngisasesikolo njalo uyise wala isisu. Uhlupho esengilalo yilona lolu Khulu.

Umkami uyangithanda kodwa uyise kafuni ukungibona, uthi ngingalugxobi egumeni lakhe ngoba angangibulala. Mina ngifuna ukuba lobudlelwano obuhle laye ngoba usengubaba wami. Ngenzeni Khulu? Ngikhathazekile.

Impendulo
Zwana mzukulu phakathi kothando lwababili akungeni muntu. Iqiniso elipheleleyo lithi laba ababili sebenyama nye.

Ngifunga phambi komhlaba ngithi uyihlozala akasoze awubone umuzi wakho lawe awusoze umbonele owakhe, umlimu ngowabantu bonke. Phumani liphele emzini wakhe liyokwakha owenu umuzi. Ngale indlela akulakuhlanekelwa ngamadlozi ngoba yena nguye oselihlanekele lina limhlonipha. Mthandeni limenzele kuhle lingamzondi, izenzo ezinhle zizamenza abone. Wena mana lomkakho, bathande laba bantu kodwa lingaze lahlala labo ndawonye.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds