Uhlelo olutsha kuCopa Coca-Cola

27 Apr, 2017 - 00:04 0 Views
Uhlelo olutsha kuCopa Coca-Cola

uMthunywa

YiNtatheli kaMthunywa
UMQHUDELWANO wenguqu yezikolo oweCopa Coca-Cola walonyaka uzahlabusa ngoba usudlalelwa ngamaqembu abafana abaleminyaka engaphansi kwe-15 yokuzalwa.

Uhlelo olutsha lolu lungeminye yemizamo yokuphakamisa abasakhulayo kumdlalo wenguqu, kuhloswe ukuvumbulula lokwakha ithalenta lisamila ezikolo. Ngaphansi kwaloluhlelo, abafana abazadlala kuhle balethuba lokukhethwa kuqembu lesizwe elizancintisa ukuthwala inkezo yomhlaba kunguqu yeFive-A-Side kweleSouth Africa ekupheleni komnyaka.

Imidlalo yenkezo le iqoqwa minyaka yonke yinhlanganiso yabaphathi bezikolo, iNational Association of Secondary Heads (Nash) ibambene lenkampani yeCoca-Cola.

Ukuphawulwa kwaloluhlelo, ngokubika kukaVee Chibanda isikhulu kwezemakethe yeCoca-Cola, luzancedisa ekuthini abasakhulayo bakhule belangazelela ukudlala inguqu, batshintshe impilo zabo.

Inkezo yeCopa Coca-Cola yasungulwa umhlaba wonke eZimbabwe ngo1989, lapho okwanqoba khona isikolo seMzilikazi High sidlalelwa yingcitshi yomgadli uPeter Ndlovu.

Izikolo zonke zelizwe ezidlala inguqu yabafana lamankazana zizaphatheka kumidlalo yalinkezo kusukela mhlaka 26 Nkwenkwezi kuze kuyedibana intshantshu zezabelo mhlaka 21 Ntulikazi.

UChibanda ubabaze ukuba izikolo zeZimbabwe, ikakhulu abadlali, yibo abazathola ukusekelwa okuphezulu kuhlelo olutsha lokuncintiswa kwenkezo.

“Inkezo yeCopa Coca-Cola isitshintshile. Lonyaka kuzadlala abafana abangaphansi kweminyaka elitshumi lanhlanu yokuzalwa. Abadlali abazamela isizwe bazancintisana lamanye amazwe kundebe yomhlaba kuFive-A-Side. Lokhu kutshengisela ukukhula lokuguquka kwendlela esifuna ukuthi abadlali benguqu bakhule ngayo ezikolo,” kutsho uChibanda ngesikhathi ekhuluma kumbuthatho wokufundisa intatheli zemidlalo edolobheni leKwekwe.

Isikolo esizaphatha imidlalo ye-final yeCopa Coca-Cola kumidlalo yabafana lonyaka yiChipundura High eseBindura.

IHerman Geimer izavulela inkundla zayo kumaqembu amantombazana.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds