uMthunywa
BAFUNDI sisaqhubeka ngokusizana ndawonye lapho sithuthukisa ulimi lwethu lwesiNdebele ezikolo lapho esifunda khona, kanye lasemakhaya ethu. Akesikhangeleni umsebenzi waleliviki sindawonye.
Isixwayiso: kulamanzi alezimo ezinengi aphuma emzimbeni womuntu anjengamathe, inyembezi, njalonjalo. Emitshweni elandelayo endaweni yebala elithi amanzi sebenzisa ibala eliqondileyo.
A.
a. Abantwana bakhale baze bagcwala amanzi emehlweni.
b. Uqhatshi lwenyama lwenza amadoda agcwala amanzi emlonyeni.
c. Uyise uvimbene yikho egcwele amanzi emakhaleni.
d. UmfokaMoyo wagijima waze wathonta amanzi ebusweni
e. Umntwana osesemncane uhlala ephuma amanzi emlonyeni.
f. Umfana kaDube wehluleka ukugijima ngoba ulamanzi emadolweni.
g. Ungabhoboza ithumba kuphuma amanzi angumthubi ojiyileyo.
h. Usana lumunya amanzi amhlophe aphuma ebeleni likamama.
i. Bamhlaba ngomkhonto kwaphuma amanzi abomvu enxebeni.
j. Umnewabo uyathi angatshiswa lilanga aphume amanzi abomvu emakhaleni.
B. Chasisa ngolimi olulula ukuthi imitsho le ithini.
a. Lonyaka lisewule ngoLwezi.
b. Kulezi insuku abantwana sebethomba bebancinyane.
c. Mina ngaba lenhlanhla ngoba ngazibula ngomfana.
d. Imidlwane le ingathungulula ngizakupha owodwa.
e. Amahlamvu ezihlahleni ezinengi ahluma entwasa.
