Uncategorized

Kuchitheke umuzi kubangwa umlayezo weWhatsApp

27 Apr, 2017 - 00:04 0 Views
Kuchitheke umuzi kubangwa umlayezo weWhatsApp

uMthunywa

Cornelius Luphahla
KULENDODA yelokitshini leCowdray Park koBulawayo echithekelwe ngumuzi ngemva kokuba umkayo ethole umlayezo we-WhatsApp kumakhalekhukhwini wayo ovela kumakhwapheni okudale ukuthi kulavuke impi kwaze kwachitheka umuzi.

Indaba le yenzakale kuviki ephelileyo lapho uNkosazana Jenipher Moyo athole khona umlayezo kumakhalekhukhwini kaMnumzana Audrey Bare obuvela kumakhwapheni wakhe, uNkosazana Beatrice Ndlovu okudale ukuthi kuphoselwane amazwi acine ebangela ukuthi umuzi uchitheke.

UMthunywa ukhulumisane loNkosazana Belinda Ncube ongumakelwane kaNkszn Moyo wathi yena wezwa sokungumsindo komakhelwane wakhe wagijima wathola uBare esilwa lomkakhe wasebiza ezinye izakhamizi balamula kwayikhona kuvela ukuthi babangani.

“Ngasengilele kodwa ngathi ngisizwa umsindo komakhelwane ngavuka ngaya khona. Ngithe ngifika ngathola uBare esilwa lomkakhe ngabiza ezinye izakhamizi salamula. Ngemva kwalokho sababuza ukuthi babangani uMaMoyo wathi uthole umlayezo kamasihlalisane kaBare kumakhalekhuukhwini wakhe wathi embuza ukuthi uvela ngaphi wahle wamsukela wamtshaya,” kutsho uNkszn Ncube.

Ebuzwa ngale indaba uNkszn Moyo uthe yena ucatshulwa yikuthi uBare umtshayele ukuthi kungani ebuza ukuthi ngubani omtshela ngomlayezo we-WhatsApp ukuthi uyamthanda wabuya wavuma ukuthi umuzi wakhe usuchithekile ethi kodwa indaba yabo uzayisa emapholiseni.

“Kuliqiniso sibili ukuthi ngichithekelwe ngumuzi ngemva kokubuza umkami ukuthi ngubani lo omtshela ukuthi uyamthanda emlayezweni we-WhatsApp. Mina okungicaphulayo yikuthi umkami wahle wangisukela wangitshaya ethi kungani ngimbuza.

“Ngikhuluma nje mina ngihlala ngakithi kodwa indaba le ngizayisa emapholiseni ngoba silabantwana abathathu lomkami ngakho ngeke ngichithekelwe ngumuzi ngibukele nje,” kutsho uNkszn Moyo.

Ebuzwa ngale indaba uMnu Bare uthe ngeke akhulume lutho ngokomuzi wakhe njalo kafuni ukuthi indaba le ikhutshwe kuphephandaba.

“Mina ngeke ngikhulume lutho ngendaba zomuzi wami njalo indaba le kangifuni ukuthi uyikhuphe kuphephandaba ngoba ingangiyangisa,” kutsho uMnu Bare.

Imizamo yokukhulumisana loNkszn Ndlovu onguye odale impi le yehlule ngoba ucingo lwakhe lwehlule ukungena.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds