uMthunywa
AMAPHOLISA eZaaiplaas phandle kweGroblesdal eGoli asebophe indoda eleminyaka engu-30 ubudala ngokubulala umakhelwane wayo qede yamunya igazi.
Ngokutsho kwesitatimende esikhitshwe ngokhulumela amapholisa uLieutenant Colonel Moatshe Ngoepe, isehlakalo lesi senzakale eZaaiplaas ngehola lika7 ngoLwesibili ekuseni kuyonale iviki.
“Kusolwa ukuthi umuntu obedlula ngendlela ubone umsolwa ematasa ehlahlela owesifazane oleminyaka engu-39 ubudala ngesikhali esithile waqeda wamunya igazi emzimbeni kamufi,” kutsho uNgoepe.
Amapholisa aphuthume ayafika lapho okwenzakale khona isehlakalo lesi ngemva kokubikelwa, afica umsolwa esaphethe ngesandla ihloka agamule ngalo umsolwa ahle ambopha.
“Abafakazi bathi bonke labo abathintekile, okubalwa kubo izingane zikamufi, bathola ukwelulekwa yiziphathimandla zendawo ngokomqondo.”
Umsolwa uzovela emthethwandaba kamantshi weZaaiplaas kumalanga ambalwa azayo.
Amapholisa asaqhubeka ngokuchwayisisa. — Ubulembu
