uMthunywa
Silo Ophezulu Stinta
SILOKHU siqhubeka ngendlela ezitshiyeneyo zokukhangela isikhathi ngendlela ezingajayelekanga. Lapho sinanzelela izinto ezifana lezehlakalo ezingajayelekanga. Izikhathi ezifana lalezi lalapho kubhalwa indaba yokuzibumbela kumbe ingwalo kwenza indaba yonke nje ihlabuse jikelele.
Okunye njalo okwakunanzelelwa ngabadala zinkanyezi babesenelisa ukuqamba izikhathi ezehlukeneyo ngokunanzelela inkanyezi ezehlukeneyo, beqaphela kakhulu ukuhamba kwazo. Babewaqonda lamagama azo ngokutshiyana kwazo.
1. Icelankobe yinkanyezi ebonakala ntambama nxa ilanga lisanda kutshona. Izolo ke babenanzelela ngayo ukuthi lapho ithi itshona abantu babe sebedlile ukudla kwabo kwantambama. Kulapho ke okukhulunywa kuthiwa sidla icelankobe lingakatshoni, lingatshona kutsho ukuthi ukudla kwantambama sekuphuzile. Ngumhlobo wenkanyezi ekhanyisayo okwamagama.
2. Ikhwezi inkanyezi le abadala babenanzelela ngayo ukuthi ilanga seliseduze ukuphuma. Lapho ke bayabe sebekwazi ukuthi nxa kuyiwa emasimini sekumele balungele ukuvuka, kumbe njalo nxa kuyisikhathi sokuyabopha sebesazi ukuthi sesitshayile. Inkanyezi le iphuma emva kwendonsakusa.
3. Indonsakusa le yinkanyezi ephuma emadabukakusa. Abadala ngesikhathi sokulima kumbe lapho belohambo yiyo ababeqaphela ngayo isikhathi sokuphuma. Lalapho belohambo yiyo njalo ababeyiqaphela baphume ngayo.
Indonsakusa njengebizo layo.
