Izikolo zifundiswa ngokuguquka komumo womkhathi

30 Mar, 2017 - 00:03 0 Views
Izikolo zifundiswa ngokuguquka komumo womkhathi Abafundi lababalisi bezikolo ezitsheyeneyo koBulawayo bebethe gwaqa eCoghlan Primary School belande ukuzafunda ngokuguquka komkhathi

uMthunywa

YiNtatheli kaMthunywa
INKAMPANI yeTreger Products ngenhloso yokuphatheka ekulimukiseni uzulu ngokuguquka komumo womkhathi iqoqe umhlangano wabantwana abakubanga lemfundo yaphansi owenzelwe eCoghlan Primary School lapho ebethulele ulwazi ngezomkhathi.

Abamele linkampani bathe njengenkampani eyenza impahla ezitshiyeneyo ikubona kumqoka ukuthi isabalalise ulwazi ngokuguquka komumo womkhathi ukuze abantwana babe lentshukuntshu yokuphatheka ekuvikeleni izinto ezithize ezingalimaza ezomkhathi.

Inkampani le ikhuthaze amanye amankampani ukuthi aphatheke ekulwisaneni lokwenza izinto eziphazamisa ezomumo womkhathi yaqhubekela phambili ibakhuthaza ukuthi labo baphatheke ekwethuleni ulwazi ngezomkhathi.

UMarkerting Director walinkampani uNkosazana Sithokozile Ndlovu uveze ukuthi bona njengengxenye yamankampani alungisa impahla etshiyeneyo bangabanye ababangela okunye ukuphazamiseka kwezomkhathi kodwa bona sebakubona kungumlandu wabo ukukuvikela lokhu.

“Thina abama-industry yithi esibangela ukuphazamiseka kwezomkhathi nge-waste esiyilahlayo okubangela ukuguquka komumo womkhathi kungakho sithanda ukunxusa amanye amankampani ukuthi aphatheke kuhlelo lolu esesithe saluqala.

“Sibone kukuhle ukuthi siqale phansi kubokhekhe ezikolo ngoba abadala bayatsho ukuthi isigogo sigoqwa sisemanzi njalo limfudiso igxile ebantwaneni ngoba beyibo ikusasa lesizwe labakhokheli bakusasa.

“Ngithanda ukubonga abezemfundo ngokusinika lelithuba lokuxoxa labantwana bezikolo njalo indlela abantwana abatshengisele ngayo ukukhwabitha inhlelo lezi iyamangalisa,” nguNkszn Ndlovu.

UProvincial Environment Manager Bulawayo Metropolitan Province uMnumzana Discent Ndlovu uveze ukujabula ngemidlalo eyenziwe ngabantwana bezikolo ezitshiyeneyo wathi izifundo lezi zizaphathisa ngoba intsha iyikusasa yesizwe.

“Ngilokujabula okukhulu ngomsebenzi owenziwe ngababalisi ngokufundisa ngendlela ezitshiyeneyo zokulwisana lokuguquka komkhathi, abantwana kuyakhanya ulwazi balalo kungakho-ke ngemva kwalumbuthano sikhangelele ukuthi baphatheke kunhlelo zokwenqabela okungabangela ukuguquka komkhathi.

“Kungaba kuhle nxa ababalisi bangagcizelela lumsebenzi ngokuhlala bekhuthaza abafundi ukuthi bangagamuli izihlahla, bangalahli amaphepha mahlayana nje lokunye okunjalo, kuphetha uMnu Ndlovu.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds