Inhlupho zalamuhla: Ngingenza kanjani ukuze umkami angiphumuze

30 Mar, 2017 - 00:03 0 Views
Inhlupho zalamuhla: Ngingenza kanjani ukuze umkami angiphumuze

uMthunywa

Ngingenza kanjani ukuze umkami angiphumuze
SIYABONGA umsebenzi wakho omuhle owokusilobela indaba ezimnandi mayelana lezamasiko. Mina ngingumama oleminyaka engu-28 ngithanda ukwazi ukuthi ngingenza njani ukuze umkami angiphumuze ngoba uthi kasuthi angaze ahlangane lami uyabe engifuna mihla yonke sengikhathele ngoba mina ngiyabe ngingelamizwa  ngengubo.

Impendulo

Umkakho uqondile nxa efuna ingubo kuwe kutsho ukuthi kakaqalisi ukuphumela ngaphandle. Ngalokhu ukuze uvuselele imizwa yakho kufanele uthathe impande zomtshibi omduna, intolwane, umganu, kanye lomthambiso wenkuzi esanda ukuvuka ekuseni.

Ungakuhlanganisa lokhu ungakutheli amanzi kodwa kufake emthambisweni lo kuhlale usuku olulodwa ube usuthoba ngakho isithelo sakho sevini ekuseni kakhulu kusaqanda kanye lantambama. Ezinye zalezizihlahla uyazifaka emanzini uzinathe ekuseni lantambama.

Ubaba kalobolanga kodwa sefuna ukulobolisa
Ngithemba uqinile Khulu ngoba lami ngiqine saka. Umama wamithiswa ngubaba kodwa wala umthwalo lokhu kwenza ngondliwa ngugogo (ozala umama). Ngokuya kwesikhathi umama waphinda wazala umnawami lobaba kodwa bengahlali bonke. Ubaba wayesivakatshela sikhula. Ubaba kazange angenzele lutho sengize ngathola ijaha elifuna ukungilobola ubaba usesithi kumele ngizolotsholelwa emzini wakhe kukanti omalume bathi ubaba kumele abuye kibo azolobolisa ngoba yena kalobolanga njalo yibo abangondlayo.

Mina angisakwazi ukuthi ngithini ngoba lomama laye uyafunga uthi kobaba kayi. Ngenzeni Khulu sengiphambene, kuyenza yini ukuthi ngilotsholwe ubaba engekho. Umtshado wami uzabe ubusisekile na?

Impendulo

Ngesintu esiqondileyo mzukulu, umntwana oyinkazana kuthiwa uyazihlenga. Lokhu kutsho ukuba uyihlo uyabikelwa ngokulotsholwa kwakho njalo kuvame ukuba abekhona kodwa konke okuphumayo kusala konyoko yena kathathi lutho ngoba kalobolanga. Yikho okuphenduka kube ngamalobolo enu lonke.

Nxa esidla usengadla kwabakumelelayo ngokuba wena uyabe usuhlenge bonke. Uhlupho yikuba wena abantu sebethanda ukudla baze bakhabele amasiko ehlathini. Kuyenzeka ukuba ulotsholwe engekho, akulacala sibili okuqakathekileyo yikuba bamazise nxa efuna engabuya kumbe athumele. Ukubusiseka komtshado kusemoyeni wakho lesoka lakho umalihlanyele uthando lwamampela oluvutha phansi phezulu.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds