Uncategorized

‘Ungangala nguwe ufile’ . . . Ngitshaya umvundla lesikhundla sakhe

23 Mar, 2017 - 00:03 0 Views
‘Ungangala nguwe ufile’ . . . Ngitshaya umvundla lesikhundla sakhe UJoel Svosve

uMthunywa

Thokozile Mbedzi
KULENDODA yakoChireya eGokwe etshiye izakhamizi zitheneke amadolo ngokuveza ukuba isibulele amanina amane kanye labantwababo ngombane isebenzisa umuthi omubi eyawuthatha eZaka eMasvingo isenzela ukwenza umathanda ebantwini, uMthunywa uyakuveza lokhu lamhlanje.

Indoda le edonselwe edale lenduna uChiya Chireya ngempelaviki ngamanina esigabeni lesi isolwa ngokubulala abesifazane abala ukuyikhomba.

UJoel Svosve oleminyaka (69) weVengani ngaphansi kwenduna uChireya uveze ukuthi ulomuthi omkhulu oyipha amandla okwenza yiloba yini eyifunayo ebantwini.

USvosve uthe umuthi lo wawuphiwa ngenye inyanga ngemva kokulahlekelwa yizifuyo zakhe zitshaywe ngumbane kuminyaka elitshumi eyedlulayo.

Umuthi lo ubumupha njalo amandla okuthi angakhombisa owesifazana ahle avumele phezulu kuthi nxa angaliwa ambulale ngombane kanye lemuli yakhe.

Kubikwa amanina la aqoqane ngemva kokufa kwamanina amane lezimuli zawo ngemva kokwala uSvosve.

UMthunywa uxhumane lezakhamizi zakule indawo eziveze ukudideka ngesehlakalo lesi zisithi uSvosve uzivumele ngowakhe umlomo ukuthi nguye oseqede abesifazana kanye labantwababo ngoba engafuni ukwaliwa.

Elinye ilunga ledale lenduna uMnumuzana Chengerai Chidziwo uthe bathi bebuza uSvosve ngemva kokumangalelwa ngabantu belayinini  yakhe induna yadinga usiyazi ukuze azohlahlula ngalindida yokufa kwabantu betshaywa ngumbane.

“USvosve walethwa kithi ukuze sincedise abantu esigabeni. Abantu babemethesa icala lokubulala amanina amane labantwabawo ngenxa yokungafuni ukwaliwa.

“USvosve kazange achithe isikhathi senkundla wahle walivuma icala lakhe ethi umuthi alawo mubi kakhulu. Wathi wawuphiwa yinyanga eZaka wafika wawugebhela emakhoneni omuzi wakhe okwakudala ukuthi enze akufunayo esigabeni kugoqela lokujezisa inina elimalileyo,” kutsho uMnu Chidziwo.

Uqhubekele phambili wathi njengesigaba izulu ebeliqeda abantu bebesithi ngelikaNkulunkulu bengazi ukuthi ukhona ogangileyo phakathi kwabo.

“Isenzo lesi sisitshwaqise imzimba njalo besimbona njengomuntu ongubaba kukanti ungumbulali.

“Esigabeni besokubhubhe amanina amane labantwana ababili bonke besifa bebulawa yinkosazana. Wonke umuntu ubesithi lizulu likaNkulunkulu kanti nguSvosve oqeda amanina ngoba emalile kukhanya ubengagudli guma nxa ekhuluma lamanina ubehle acele ukuncinda uluju lwemvelo lawo okuyikho okwenze kwaba lula ukuthi abantu bahle babekwazi ukuthi nguye ogangayo,” nguMnu Chidziwo lo.

Ebuzwa ngecala lakhe uSvosve umane wavuma ukuthi nguye owabulala abantu ngombane wakhe wengezelela ngokuthi wayekwenza ukuze akhawulise oyabe emalile.

“Ngiyavuma ukuthi umbane owabulala amanina amane labantwabawo ngowami. Ngakwenza lokhu ngoba ngifuna ukubakhawulisa ngoba bengalile ngesikhathi ngibacela ukuthi sinambithe uluju lwemvelo sonke.

“Umuthi lo ngawuthatha eZaka kweye inyanga eqinileyo njalo ubungenza ngenze yiloba yini engiyifunayo. Amanina la bengiwakhawulisa nje njalo bengifuna ukuthi kuchitheke konke okungokwakhe kugoqela labantwana yikho nje bengisithi ngingathuma umbane uhle ubulale labantwana abayabe beseduzene ngaleso sikhathi,” kutsho uSvosve.

Ibuzwa ngaloludaba induna uChireya ivumile ukuthi izakhamizi zicele uncedo lwenyanga ngoba besezilahlekelwe yizihlobo zazo njalo lapho ebezisiyadinga imbangela yokufa kwabantu laba bezitshewa ukuthi nguSvosve.

“Izimuli zalabo abafayo zafika lapha zicela usizo lwami njalo zisithi zona lazo sezisesaba ukuhlala esigabeni ngoba kulomuntu obaqedayo.

“Ngadinga  inyanga ngabiza isigaba sonke layo yabamba ukuba nguye uSvosve okwenzayo lokhu. Laye kazange akulandule lokhu wazivumela emphakathini ukuthi ngeqiniso wakwenza lokhu,” kutsho uChireya.

USvosve ugwetshwe inkomo ezimbili ngesenzo sakhe lesi.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds