Asithuthukiseni ulimi lwethu

23 Mar, 2017 - 00:03 0 Views

uMthunywa

SIQHUBEKA ngokubala isikhathi sikhangela indlela yesintu eyiyona eyayichaza isikhathi ngezehlakalo ezithile njalo kuhambelana nje lokwakusenzakala. Kumaviki adlulileyo besinanzelela izigaba zomnyaka. Okwamanje sizananzelela ukubalwa kwesikhathi ngokuhamba kweminyaka.

Ukuqala komnyaka esNtwini yikuthwasa kwawo uyahamba ke uze uphele kubuye kuqale omunye. Iminyaka etshiyeneyo yayiphawulwa ngezehlakalo ezazisenzakala kulowo mnyaka lezo zehlakalo eziqakathekileyo njalo zikhunjulwa ngumuntu wonke kungela kuthandabuza. Izehlakalo lezi zaziphathelane lemvelo ezomkhathi kumbe nje izenzo zabantu ezitshiyeneyo. Sizananzelela ezinye zezehlakalo ezazande ukusetshenziswa.

1 Indlala
Lapha ke abantu bakhumbula indlala enzima abake babaphakathi kwayo. Ngesikhathi sendlala lesi bakhumbula ukudla ababekudla okufana lomkhuna, amabele, impuphu ebomvu. Uyezwa ke abadala bekhuluma ngokuthi ngomnyaka wendlala yomkhuna beqamba ngokudla ababekudla ngaleso sikhathi.

2 Izulu elikhulu
Ngalowo mnyaka lelo zulu kakulamuntu ongalikhohlwa kunanzelelwa izehlakalo ezibuhlungu ezesabisayo abantu abahlangana lazo ngalowo mnyaka. Izulu elikhulu lihambelana lokukhuculwa kwemizi ukufa kwezifuyo, kanye lokuphela kwempilo zabantu. Singananzelela izulu elibe khona kuwonalo umnyaka aliphumi engqondweni zabanengi ngobuhlungu abantu abahlangane labo.

Izulu lakhona selize liphiwa amagama atshiyeneyo isizukulwana esilandelayo khathesi siyabe sesixoxelwa ngezulu lika Dineo. Yisikhathi esikhona emcabangweni wabanengi.Ukuqamba nje isehlakalo lesi kuthi dlwe engqondweni zabanengi.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds