Inhlupho zalamuhla: Isitho somkami sangasese silephunga elibi

23 Mar, 2017 - 00:03 0 Views
Inhlupho zalamuhla: Isitho somkami sangasese silephunga elibi

uMthunywa

Isitho somkami sangasese silephunga elibi
NGIYINDODA eleminyaka engu-34 umkami uleminyaka engu-27. Uhlupho lwami Khulu yikuthi nxa evela emsebenzini ufika alale engagezanga njalo kwenza isitho sakhe sangasese sibe lephunga elibi ikakhulu singahlangana emacansini.

Ugeza kanye ngelanga ekuseni. Angazi Khulu kumbe ngiyahlupha ngoba mina ngangisithi abesifazana kumele bageze kabili ngelanga. Okunye okuhluphayo yikuthi ngimtshele njani kodwa angaze akhubeka.

Impendulo

Awuhluphi mzukulu njalo ayisuwe otshoyo ukuthi umuntu ageze kabili ngosuku, lisiko elomdabuko elithi phambi kokuthi bonke abesintwana bayolala kumele bahlambuluke. Ukugeza lokho okwenziwa ngabesintwana sebesiyalala ayisikho ukuthi yikugeza umzimba wonke kodwa yikulindlela intokozo yasemacansini.

Lokho kwenziwa yizizwe zonke umhlaba jikelele. Indlela elula yokumtshela yile, dinga umuntu wesifazane oseduzane laye umthume ukuthi ayexoxa laye umkakho ngendaba zengubo. Amfundise ngokuqakatheka kokugeza udade ngaphambi kokuyalala. Umngane lowo axoxe kabanzi ngokuqakatheka kokuvunula kowesintwana ngentolwane noma ngomgugudu. Amtshele ukuthi kwenza owesintwana angagugi masinya njalo kuyidonsela yothando phakathi kwakhe lomkakhe.

Usengifuna ngoba sengisebenza
Ngingumama oleminyaka yokuzalwa engu-23 ngilomntwana oleminyaka emithathu ngake ngenda kodwa sehlukana losamfana umntanami elenyanga ezintathu. Impilo yaba nzima kakhulu ngoba uyise womntwana wayengangincedisi ngalutho. Khathesi sengisebenza usesithi sikhumisane umlotha, sengidideke ingqondo kangisazi ukuthi ngithini. Ngeluleka Khulu ukuze ngenze isinqumo esiqondileyo.

Impendulo

Mtshele ukuthi kumele akuhlambulule akuhlawule ngembuzi noma ngemali abe sesiyavela ebazalani bakho. Nxa kuyikukhumisana  umlotha abadala bayakwazi ukuthi kukhunyiswana njani umlotha. Kawuyekhunyiswana phambi kwabazali futhi indoda leyo ilamanga, yigade uyidage idiniwe usediniwe ehambeni lwakhe akusicala, uyahamba umgadi wenzomba abuye ebuyele kuyo ngokuzibika kubanikazi bomhlambi.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds