uMthunywa
UNGADLANI insuku ngensuku? Ungadinwa yikudla ukudla okufananayo insuku zonke. Lokhu kungakwenza lenhliziyo ibemnyama ucine ungasadli uze ucake, ugule lokugula. Kunengi ukudla ongakudla okwehlukeneyo.
Nxa upheka loMaMoyo awusoze waswela ukukuzuza.
Amacebo okuhlukanisa ukudla
a. Ukuhlanzeka kwakho mpheki.
b. Ukuhlanzeka kokudla kwakho.
c. Ukuhlanzeka kwembiza lemiganu yakho.
d. Uhlonzi lokudla.
e. Uqhatshi lokudla kwakho.
f. Ukupheka kangaki ngelanga ngeviki na? Kumbe ngenyanga?
g. Kudliwa nje, kudliwe kuyalahlwa nje, kudliwe yizinja?
h. Kuyanambitheka nxa ukubona ukudla okuphekileyo
i. Kulohlonzi okubonayo uyakubona akulangathe
j. Baginya amathe ukukubona bengakakudli.
k. Ukupheka kungaki ukudla olakho?
Nansi isibonelo sokupheka
Inengi labantu lidla kathathu ngelanga akwandanga ukuba banathe itiye ka 4 emini yantambama.
MVULO
EKUSENI: Amaqanda akhanzingiweyo lesinkwa.
EMINI: Isitshwala letshomoliya.
NTAMBAMA: Isitshwala lenyama yenkomo.
OLWESIBILI
EKUSENI: Ilambazi elimunyu lempuphu yamabele.
EMINI: Isinkwa lemibhida letiye.
NTAMBAMA: Isitshwala lomhluzi wemibhida.
OLWESITHATHU
EKUSENI: I-omulethi, lesinkwa letiye.
EMINI: Isitshwala lomhluzi.
NTAMBAMA: Irayisi lenyama yenkukhu lekhabitshi.
OLWESINE
EKUSENI: Ilambazi lempuphu yomumbu.
EMINI: Itiye lesinkwa.
NTAMBAMA: Amatshakada, lamagwili, lomhluzi.
OLWESIHLANU
EKUSENI: Amaqanda (scrambled) lesinkwa letiye.
EMINI: Isitshwala lekhabitshi.
NTAMBAMA: Isitshwala lesi-spinach lamatamatisi
NGOMGQIBELO
EKUSENI: Itiye lesinkwa.
EMINI: Amaqebelengwana, letiye lemibhida.
NTAMBAMA: Irayisi lenyama yenkukhu lesaladi.
NGESONTO
EKUSENI: Amaqanda akhanzingiweyo, itiye lesinkwa.
EMINI: Inkobe zendlubu, lamazambane kumbe umxhanxa
NTAMBAMA: Amatshakada, amagwili lenyama yenkomo kumbe inkukhu.
