IHow Mine ithola icebo

23 Mar, 2017 - 00:03 0 Views
IHow Mine ithola icebo UKelvin Kaindu

uMthunywa

YiNtatheli kaMthunywa
IHOW Mine ingabe isithole icebo lokunqoba ngoba umqeqetshi wayo uKelvin Kaindu uzitshela ukuthi ukuvulwa kwesizini sekumphuzele.

Umqeqetshi lo uthe azisoze ziphume kuligi izimbamgodi zegolide ngoba azisoze zinqotshwe enkundleni yazo kulisizini. UKaindu ukhuza iqembu okwesibili lokhe waqhatshwa ngo2016. Inengi labadlali abenza udumo kwamanye amaqembu bagijimele kulithimu, behlose ukuvuselela amabizo abo.

Abadlali abasemlonyeni yabantu, abadla ubhedu kuminyaka emibili edluleyo babalisa uDumisani “Fazo” Ndlovu, uPeter “Rio” Moyo loMilton Ncube.

UKaindu uthe ulethemba lokuthi ukudibanisa abadlali abadala labatsha kuzanceda ukuthi icebo labo liphumelele.

“Inhloso yethu njengokubika komqeqetshi uMabhena mhla singena kuPSL yikuthi sidlalele ukungakhitshwa kuligi. Okuqakathekileyo yikunganqotshwa nxa sidlala koBulawayo,” kutsho uKaindu.

Uqhubeke wathi : “Ayisikho ukuthi siyethusela kodwa sithi akulanto esiyesabayo kuPSL. Ithimu yonke ekuligi le izimisele, nxa singanqotshwa kutsho ukuba asisebenzanga kuhle. Mina ngangivele ngisebenza kuligi le ngakho angethuki. Amanye amathimu yiwo okumele esabe.”

Kusizini edluleyo, uKaindu ubike ngokudabuka ukuthi iqembu lakhe ladlala kubi ngoba laqeda likunombolo engaphezulu kweyesitshiyagalombili.

UKaindu uthe lonyaka uselalo icebo lokulola iqembu.Uveze ukukhulukela ngokungaphezulu ngokuthi uzabasukumisa abalandeli beChikurupati.

Uthe ukudlala okwenziwe ngabafana bakhe enkambeni yokulolonga kuyisitshengiselo sokuthi kuzakuba lobuhle lonyaka.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds