Isitsha Solwazi sifundisa ngokuqakatheka kwemfundo

16 Mar, 2017 - 00:03 0 Views
Isitsha Solwazi sifundisa  ngokuqakatheka kwemfundo ISitsha Solwazi

uMthunywa

Cornelius Luphahla
KULEQEMBU lezamasiko eseliqalise umkhankaso wokufundisa abafundi labazali ngokuqakatheka kwemfundo kanye langobubi bokuhlukuluza abantwana okwenziwa ngabanye abantu.

Iqembu leSitsha Solwazi elidabuka eDete liqhuba umkhankaso wokufundisa abazali labafundi lisebenzisa ingoma kanye lemidlalo yobulingisi ngenhloso yokuthuthukisa ezemfundo kuleli.

UMthunywa uxhumane lomholi waleliqembu uMnumzana Jackson Masuku wathi leliqembu selileminyaka emihlanu lasungulwa njalo bahamba bekhuthaza intsha ngokuqakatheka kwemfundo kanye lobuhle bokuthi abazali baphathe kuhle abantwana.

“Iqembu lethu selileminyaka emihlanu salisungula njalo silomdlalo wethu wobulingisi ofundisa ngokuphathwa kuhle kwabantwana kanye lobubi bokubahlukuluza. Umdlalo lo ufundisa njalo ngokuqakatheka kwemfundo ikakhulu kwabatsha ngoba ukhuluma ngabafundi abatshiya esikolo behlukuluzwa ngabazali bayahlala edolobheni lakoBulawayo okuyikho abafika bahlupheke kakhulu.

“Umdlalo lo siwenza ezikolo ezitshiyeneyo ngakho okwakhathesi siseNyamandlovu okuyikho esivakatshela khona izikolo ezehlukeneyo sifundisa abafundi ngokuqakatheka kwezemfundo,” kutsho uMnu Masuku.

Ekhuluma lentatheli uMnumzana Mkhululi Ngwenya umsekeli kamholi waleliqembu ubikele intatheli ukuthi okunye bafundisa abatsha imigido etshiyeneyo lanxa behlangana lenhlupho ezitshiyeneyo ngenxa yokuswelakala kwemali kanye lokungamukelwa kuhle kwezinye izikolo.

“Thina njengeqembu siyafundisa njalo intsha imigido etshiyeneyo efundiswa ezikolo. Ngokunjalo uhlupho lwethu yikuthi kwezinye izikolo kabasamukeli ngendlela enhle ngoba bathi kufanele siqale sibhalise kwabezemfundo ukuze basivumele siqhube umsebenzi wethu lo.

“Okunye njalo uhlupho lwethu yikuswela imali yokuzithuthukisa ngakho isifiso sethu yikuthi ngabe siyathola abangasincedisa ukuze siqhubekele phambili sifundisa uzulu ngokuqakatheka kwezemfundo,” kuphetha uMnu Ngwenya.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds