uMthunywa
IZANDISO ezivela emabizweni ezintaba
Ibizo Isandiso sendawo
iBhalagwe eBhalagwe
iZamanyoni eZamanyoni
iMtshaphi eMtshaphi
Qaphela lokhu: Unkamisa wokuqala webizo uthathelwa indawo ngu –e-. Isibonelo: iBhalagwe – Unkamisa wokuqala webizo u –i- uthathelwa indawo ngu – e.
(d) Ezivela kwamanye amabizo ngezigaba zawo
Isigaba Ibizo Isandiso
sendawo
1. umfana emfaneni
1a umama kumama
2. abantu ebantwini
2a ogogo kubogogo
3 umuthi emuthini
4 imizi emizini
5 ilizwe elizweni
6 amazwi emazwini
7 isilo esilweni
8 inja enjeni
9 uluthi eluthini
10 ubuhle ebuhleni
Nanku esikuphawula lapha:
1. Unkamisa osekuqaleni siyamguqula kuwo wonke amabizo.
2. Nxa sisakha isandiso sendawo siqalisa ngonkamisa –e- kuzo zonke izigaba ngaphandle kwesigaba 1a lesigaba 2a. Zona-ke ziqalisa ngo-ku-.
3. Nxa sihlolisisa izandiso lezi sizabona ukuthi kulenguquko eyenziwe ekucineni kwebizo kuzo zonke izigaba ngaphandle kwesigaba 1a lesigaba 2a.
(a) Wonke amabizo acina ngo-a loba –e ajobelela u – eni esikhundleni sabonkamisa laba.
(b) Endaweni kankamisa –I osekucineni kwamabizo athize sijobelela u – ini.
(c) Amabizo acina ngo –o ajobelela u –weni nxa esakha izandiso zendawo.
(d) Endaweni kankamisa –u osekucineni sijobelela u –wini.
Singakulibali ukuthi bakhona abanye ababiza izandiso zendawo bethi ngondaweni.