Uncategorized

IMIHLOLA BATAYI! ININA LIBELETHA INDWANGU

23 Feb, 2017 - 00:02 0 Views
IMIHLOLA BATAYI! ININA LIBELETHA INDWANGU UMnumzana Cephas Ngwenya

uMthunywa

Cornelius Luphahla
IDIDEKILE imuli yakoChoto esigabeni seChireya, eGokwe ngemva kokuba elinye inina lakule indawo likhulelwe qede labeletha indwangu andubana ingcwatshwe iphila.

Insindabaphenduli le yenzakale kunyanga ephelileyo lapho uNkosazana Tambudzai Katsande othethwe nguMnumzana Benjamin Choto abelethe khona indwangu abomdeni lo bayingcwaba iphila, uMthunywa ukuzwile lokhu.

UMthunywa uvakatshele kule indawo wakhulumisana loMnumzana Cephas Ngwenya wathi laye wayibona indwangu le eyabelethwa nguNkszn Katsande njalo kalankani ngesehlakalo lesi.

“Mina ngayibona ngawami la indwangu le eyabelethwa nguMaKatsande njalo lokhu ngathwetshulwa yingwe kangikaze ngikubone okunjeya empilweni yami. Ngemva kokubeletha kwakhe njengoba wayebelethele ekhaya sabizwa njengabomakhelwane sathola ebelethe indwangu.

“Indwangu le yayiloboya kanye lomsila kodwa incane kakhulu ilingana lomangoye. Okunye okwakuveza ukuthi ngempela yindwangu yikuthi yayikhala sanyamazana okwahle kwazikhanyela ukuthi yinyamazana njalo ngitsho lonina wayesesaba. Kuthe kunjalo abomdeni wakoChoto bayingcwaba iphila njalo ikhala,” kutsho uMnu Ngwenya.

Ekhuluma lentatheli uNkszn Katsande uthe lokhu ethithibele ngesiga esamehlelayo esokuzala inyamazana wathi sesesaba ukuzala omunye umntwana ngoba engafa.

“Lokhu ngithithibele ngesiga esangehlelayo esokuzala inyamazana ngoba kangikaze ngikubone okunjeya.

Ngikhuluma nje sengisesaba lokuba lomunye umntwana ngoba khathesi ngingafa kungcono ngizihlalele labonalaba ababili engilabo.

“Okunengi ngeke ngakulandisa ngoba kangikwazi ukuthi okwenza ngabeletha indwangu kuyini yikho ngavuma beyingcwaba iphila,” kutsho uNkszn Katsande.

UMthunywa ubuye wakhulumisana loMnu Choto ongumkaNkszn Katsande wathi kukhona ogangileyo emdenini onguye owadala ukuthi umkakhe abelethe indwangu.

“Mina ngokubona kwami kukhona umuntu ogangileyo emdenini wakithi onguye owaphosa umkami waze wabeletha indwangu. Umuntu lo ulondofa amlalisa lomkami ngoba akulamuntu ongazithwala abelethe indwangu.

“Lokhu lami kuyangethusa kakhulu njalo lokhu ngitshwaqe umzimba, kangikabi lamacebo okulungisa ngoba kuyangesabisa,” kutsho uMnu Choto.

Inyanga eyisazi kwezamasiko uMnumzana Simon Sibanda ibuzwa ngale indaba ithe indaba le yenziwa ngabakhunkuli ngokulalisa lelinina londofa.

“Indaba yalelinina elabeletha indwangu yenziwa ngabomo ngabakhunkuli abalalilalisa londofa. Lokhu kungabe kusenziwa ngabomdeni besenzela ukuchitha umuzi walelinina ngoba akuvamanga ukuthi umuntu akumele lokhu,” kutsho uMnu Sibanda.

Induna yakule indawo uMnumzana Chiya Chireya ibuzwa ngale indaba ithe layo kayilamathe ngale indaba njalo ngokokuqala ukwenzakala esigabeni sayo.

“Indaba enjalo ngiyayazi sibili kodwa iyangethusa kakhulu ngoba ngiyaqala ukuzwa ukuthi umuntu uyazala inyamazana njalo ngokokuqala ukwenzakala esigabeni sami. Lokhu kusobala ukuthi kwenziwa ngumuntu ogangileyo sibili,” kuphetha induna uChireya.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds