Amahlanga aluhlaza enza inyongo ezifuyweni

23 Feb, 2017 - 00:02 0 Views
Amahlanga aluhlaza enza inyongo ezifuyweni

uMthunywa

Ncekwenhle Ncube
ABALIMI elizweni baxwayiswa ukuthi bavikele izifuyo zabo zingadli amahlanga aluhlaza noma umumbu kungakafiki isikhathi sobusika ngoba ebangela inyongo.

Ekhuluma lentatheli kaMthunywa umlimisi ongaphansi kwenhlanganiso yeAgritex osebenzela eGwanda uNkosikazi Sithembiso Ndlovu uchaze ukuthi ngomnyaka ophelileyo kube lenkomo ezedlula amatshumi ayisikhombisa ezife zibulawa ngumkhuhlane wenyongo ngenxa yokudla amahlanga aluhlaza.

“Kuyimvama ukuthi minyaka yonke sikhumbuze abalimi ukuthi izifuyo zabo bazivikele ekudleni amahlanga aluhlaza ngalesi isikhathi ngoba ebangela inyongo emzimbeni wezifuyo okwenza zife.

“Abalimi kufanele babone ukuthi izifuyo zabo ziyeluswa kumbe zixotshelwe emadlelweni lapho okungatholakali khona amahlanga omumbu.

“Nyakenye abalimi balahlekelwe zinkomo ezinengi ngenxa yenyongo. Yikho-nje lonyaka sifundisa abalimi ukuthi benqabele ingozi efana leyanyakenye.

“Amahlanga, ikakhulu omumbu athandwa yizifuyo adala inyongo okubanzima ukuthi yelapheke,” kutsho uNkkz Ndlovu.

UMnumzana Mthobi Ndiweni ongumlimisi ngaphansi kwenhlanganiso yeAgritex eSigodini ugcizelele kulokhu ngokukhuthaza abalimi ukuthi babiye amasimu abo ukuze izifuyo zingadli amahlanga aluhlaza kuze kufike isikhathi esiqondileyo.

“Abalimi ababone ukuthi insimu zabo zibiyiwe. Asifisi ukuthi izifuyo zife ngenyongo njengalokhu okwenzakale ngomnyaka odluleyo. “Kulabo abalamadlelo aseduze lamasimu kababone ukuthi bayabiya amasimu abo. Kumele njalo babone ukuthi izifuyo zabo ziyeluswa zingafinyeleli amasimu.

“Inkomo zingaqala ukudla amahlanga la ngenyanga kaNtulikazi ngoba ayabe esetshaziwe ngumqando kwasala ukudla okufaneleyo kuphela. Nxa kuthe kwenzakala ukuthi abanye babe lomumbu osuvuthiwe wavunwa kabathathe amahlanga lawo bawagcine endaweni engafinyelelwa yizifuyo zabo,” kutsho uMnu Ndiweni.

UMnu Ndiweni uphethe ngokuthi phezulu kwakho konke bakhuthazwa abalimi ukuthi bagcine ukudla kwenkomo okugoqela amahlanga ukuze bawasebenzise ebusika.

 

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds