UMANTENGWANE UYAQALA PHANSI

UMANTENGWANE UYAQALA PHANSI

0 562
Abadlali benguqu belolonga kuqembu leHighlanders enkundleni yeBarbourfields koBulawayo ngoLwesibili

Nkosilathi Sibanda
UMQEQETSHI weHighlanders uErol Akbay ubika ukuthi uzaqala phansi kuleliqembu ngokufundisa abadlali amanyathelo okunqoba.

NgoLwesibili ngesikhathi iqembu lilolonga enkundleni yeBarbourfields, kupuntshuke amahungahunga okuthi iHighlanders isicabange yajulisisa ukuthi ithenge umdlali waphambili uRoderick Mutuma.

Umqeqetshi uAkbay loba engavumanga ukuthi umdlalo kaMutuma umthinte kwamancane, kusegcekeni ukuba umdlali lo uphakathi kwamaqhinga alumqeqetshi. Kodwa, indaba yokuza kwalumfana kuMantengwane idida amakhanda enengi labasekeli bethimu.

Izizatho eziphambili ngalumdlali yikuthi uvela kuDynamos, iqembu eliyisitha esikhulu seBosso kusukela kudala.

Okunye njalo okwenza abalandeli basole ukuza kukaMutuma yindlela asuke ngayo kuDynamos. UMutuma waxotshwa kuDeMbare ngoba abaqeqetshi bayo bebone ukuba kaselancedo kwezenguqu.

Ngesikhathi umqeqetshi lo ebuzwa ngalindaba uvele wathi kungumlandu womqeqetshi wonke ukuthi alungisise ithimu kakutsha.

“Kumele kubenjalo ngoba iHighlanders ukuze ithathe inkezo kusizini ezayo kumele sivuselele iqembu, siphinde sidinge labadlali abatsha,” kutsho lumqeqetshi ngesikhathi eqala ukulolonga iBosso ivela kuhambo lwayo lweviki iseSouth Africa.

Ngaphandle kukaMutuma, iBosso ibisinikezwe uFrancesco Zekumbawire kodwa kwehlula ukuthi umdlali lo angene kunkulumo ngoba kubikwa usekuZPC Kariba.

Umsekeli kamgcinisihlalo weHighlanders uModern Ngwenya uthe okwamanje akalawo amandla okukhuluma ngeqembu.

“Hatshi,  angeke ngibeleqiniso lokuthi kuzangena wuphi umdlali. IHighlandeers inikeze umqeqetshi imvumo yokutsho akufunayo ngeqembu. Thina inkokheli asingeni ndawo.”

SIMILAR ARTICLES

NO COMMENTS

Leave a Reply