uMthunywa
Inkobe zenhlobonhlobo
INKOBE zinhle ngoba azidingi isitshebo zidliwa zinjalo.
Nansi imihlobo yenkobe
1 Inkobe zendumba lamagwadla kumbe ufutho
2 Inkobe zamazambane lamagwadla kumbe ufutho
3 Inkobe zendlubu lamagwadla kumbe amatshakakada loba ufutho
4 Inkobe zendumba lamagwadla kumbe ufutho
Pheka indumba ezomileyo zacacadwa zizodwa zize zivuthwe lamagwadla uwapheke wodwa lofutho uluhulule esiqweini ulupheke lodwa.
Khathesi hlanganisa indumba lamagwadla kumbe ufutho.
Thela isawudo.
Yekela kuvuthwe kusale kulomhluzi.
– Inkobe zamazambane lamagwadla kumbe ufutho
– Pheka amazambane acacadiweyo wodwa, lamagwadla wodwa lofutho lalo lodwa,
– Amazambane angavuthwa uwahlanganise lamagwadla kumbe ufutho.
– Nxa sekuvuthiwe uhlanganise ndawonye.
– Kukuwe kumbe ngamazambane lamgwadla kumbe lufutho.
– Tshiya kulomhluzi, konke akudingi isitshebo kudliwa kunjalo.
Inkobe zendlubu lamagwadla kumbe ufutho
– Bona ukuthi upheka indlubu ezicacadiweyo njalo lokuthi upheka kukodwa amagwadla kumbe ufutho.
– Indlubu zithatha isikhathi eside ukuvuthwa kungaba ngamahola amabili kusiya phambili.
– Pheka njalo lalokhu ozahlanganisa lakho kuvuthwe isibili.
– Nxa sekuvuthiwe kuhlanganise ndawonye njengoba ngilandisile ngaphezulu.
– Kwakujayelwe ukuba inkobe zidliwe emini hatshi ebusuku ngoba kulomsebenzi wokuzihlafuna
Inkobe loba ziphi zilokudla okwakha imizimba lokusiza emikhuhlaneni, kuyadingakala ukuthi sibuyele ekudleni kwethu kwesintu lemvelo ukuze siphile ngcono. Singakweyisi ukudla ikakhulu inkobe, sibulawa yimikhuhlane eminengi ngokudla ukudla okungafanelanga.
Nanzelela lokhu
Inkobe kazithelwa itshukela njalo azithelwa amafutha (cooking oil) lobani lobani angazilimela izilimo ezenza inkobe loba athenge izilimo lezi emakethe kumbe ezitolo ezithengisa ukudla.
Akungabi yisitshwala letshomoliya malanga onke!
NB: Ufutho ngumumbu owaphekwa usemanzi wachaywa woma.
Pheka okwakha imizimba lokusilisayo njalo utshintshanise ukudla kwakho insuku ngensuku.
Khathesi kukuwe nanzi inkobe ziphekele ukholise wakhe umzimba wakho.
