uMthunywa
Abanye abantu abawathandi amakhekhe bathi aletshukela elinengi. Lokhu kungababangela imikhuhlane ethize emizimbeni yabo. Silakho okunye abanganathisa ngakho itiye lamanamunede abo.
La ngamaqebelengwana abizwa ngokuthi yizikonzi.
Yimihlobo emibili engizalandisa ngayo.
1. Izikonzi ezilula (Plain scones)
Okudingakalayo.
1 ingxenye yenkomitsho yetiye ifulawa engelambiliso
2 ingxenye yenkomitsho uchago
3 ukhezo lwetiye i-Royal baking powder
4 umganu wokuhlanganisela
5 ipulanka lokuhlanganisela ngezandla
6 igabha elichayekileyo lokubhekela (baking pan) lephepha lokwendlala
7 isawudo ngesilinganiso sakho.
Ukupheka
– Sefa ifulawa, i-baking powder, uhlanganise lochago.
– Hlanganisa kube yinhlama ebuthakathaka.
– Thatha ipulanka uvuvuzele ifulawa.
– Thela inhlama phezu kwepulanka.
– Hlanganisa uxovaxova.
– Gcoba igabha lokubhekela ngamagcobo ubusuvuvuzela ifulawa.
– Quma iziqana zenhlama uzibeke kuphezulu kwe-pan yokubhekela
– Gcoba iqanda elitshayiweyo phezu kwesikonzi ngasinye.
– Bheka ku-oveni etshisa okuyi 475 degrees okwemizuzu elitshumi kusiya kutshumi lambili (10-12 mins)
Inhlama le yenza amasinkonzi alitshumi lambili kuphela.
2. Izikonzi ezilesivuthi (rich scones)
Okudingakalayo
1 inkomitsho ezimbili lengxenye zefulawa engelamvubelo
2 inkezo zetiye ezimbili ze-baking powder
3 inkezo zokudla ezimbili zetshukela
4 iqanda elilodwa
5 inxenye yenkomitsho yetiye uchago
6 umganu wokuhlanganisela
7 upulanka lokuxovela
8 i-pan yokubhakela
9 I-oveni yokubhakela
10 Isawudo ngesilinganiso sakho
Ukupheka
– Sefela ifulawa, i-baking powder, itshukela lesawudo emganwini wokubhakela.
– Tshaya iqanda ubeke elincinyane lokugcoba lodwa.
– Thela ingxenye yeqanda echagweni.
– Hlanganisa ifulawa lochago oluleqanda.
– Hlanganisa kube yinhlama elulana.
– Thatha ipulanka ulivuvuzele ifulawa.
– Thela inhlama phezu kwepulanka.
– Xova inhlama uphenduphendula ngeminwe.
– Yendle inhlama kuleli pulanka.
– Yendla iphepha ku-pan yokubhekela.
– Gcoba amafutha uvuvuzele ifulawa kuleli phepha.
– Quma iziqana zenhlama.
– Zifake iziqana lezi phezu kwephepa ku-pan yokubhakela
– Gcoba iziqana lezi ngeqanda elitshayiwe phezulu.
– Bheka ku-oven etshisa ku-475 degrees okwemizuzu elitshumi kusiya kutshumi lambili.
– Linda ukuba kuvuthwe.
– Nxa sekuvuthiwe kukhuphe ku-oveni.
– Yekela kupholaphole.
– Khathesi kukhiphe egabheni.
– Izikonzi zona zimnandi zisatshisa.
Nanzelela lokhu:
Nanku okunye ongakufaka nxa uhlanganisa ukuze izikonzi zakho zibe lesisindo njalo zibemnandi okulohlonzi:
Ingxenye yenkomitsho yetiye amafuruthu onyisiweyo awe-sultans kumbe i-raisings.
Ukudliwa
Nathisa ngetiye kumbe inamunede zona ngokwazo ziyasuthisa izikonzi njalo azilatshukela enengi.
