uMthunywa
UMGADLI we-Orlando Pirates usebonakala njengensika yokuphumelela kwalithimu nanko laye phela uyakutsho ukuthi awukho umthwalo osemahlombe akhe ngoba iqembu lithembe yena.
AmaBhakabhaka abambane ngo-2-2 leHighlands Park emdlalweni weligi ngoMgqibelo ebusuku.
Kulumdlalo uTendai Ndoro, odabuka eZimbabwe, uthole ithuba lokukhuphula isibalo samabhola awahlohlileyo asewatshayile kulisizini angu-12.
“Uma ngibhakuzisa umambule abanye bami bayangijabulela, ngaleyo ndlela kujabula iqembu lonke.
“Akumelanga kube khona ukuzikhukhumeza okwedluleyo ngoba ebholeni umsebenzi kungoweqembu.”
UNdoro uthi asikho isibalo samabhola azinqumele sona kulisizini ngokwesabela ukuthi angase akhale ngaphansi.
“Ibhola likanobhutshuzwayo liyamangalisa kodwa lokho akutsho ukuthi kumele singazethembi,” kutsho uNdoro.
IPirates izadlala umdlalo wayo olandelayo leMaritzburg United mhlaka-13 kuMpalakazi.
Kusenjalo, lo owayengumgadli we-Orlando Pirates, uJerry Sikhosana, uthe kungabayinkinga uma iBhakabhaka lingadlala engekho uTendai Ndoro, uma kungenzakala ukuthi umdlali lo waseZimbabwe engadlali kahle, loba engekho ngezizathu ezahlukeneyo.
USikhosana uthi ngeke kwenzeke ukuthi umdlali lo ehlukeke ukutshaya amabhola ngokuhamba kwesikhathi kanti lokho kuzoba yinkinga enkulu.
Uthe izinto ezifana lalokho ziyenzeka ebholeni ngakho ucabanga ukuthi kuyinto ekhathazayo kakhulu ukuthi iPirates isingathembela kulumdlali kuphela.
USikhosana uqhubeke wathi umqeqetshi u-Augusto Palacios kuzadingeka ukuthi athole omunye umgadli ozavala indawo kaNdoro nxa engekho noma engasawatshayi amabhola emambuleni. — Ubulembu
