Yikudla kwamehlo kuBosso ngoLwesihlanu. . . kunxuswa leDynamos ebunandini

08 Dec, 2016 - 00:12 0 Views

uMthunywa

YiNtatheli KaMthunywa
NGOLWESIHLANU akubizwa ozwayo kubalandeli beHighlanders FC ngoba iqembu elidala kulawo wonke kuleli lizabe libonga abadlali bayo balisizini ngezicoco.

Kumcimbi lo kuzabe kuthakazelelwa njalo ilanga lokusungulwa kweqembu kuminyaka engamatshumi ayisitshiya galolunye. Kulisizini iBosso iqede isenza imcimbi lembuthano etshiyeneyo ithakazelela ukubakhona kwayo kumdlalo wenguqu kusukela ngo1926.

NgeSonto iHighlanders izajabula ndawonye lesitha esidala iDynamos kumdlalo wobungane enkundleni yeBarbourfields. Umdlalo lo ubonakala uyindlela yokwakha ubudlelwano obungcono phakathi kwamaqembu la aziwa eqakathekile kunguqu yeZimbabwe.

Kusihlwa ngoLwesihlanu, iqembu labadlali abenza kuhle bazathola izicoco kusiya ngokuthi badlale njani kulisizini.

Loba umkhosi wangoLwesihlanu uhlose ukubonga abadlali, amasango awavulelwa wonke umuntu. Labo abafuna ukuyabukela bazacelwa ukuthi bakhiphe i$40 umuntu munye ngamunye.

Ekhuluma loMthunywa ngoLwesibili, uModern Ngwenywa obambe isihlalo sikaMgcinisihlalo uthe konke sekulungele ukuthi kufike mhla welanga.

“Imcimbi yokuthakazelela iminyaka yethu engu-90 iyaqhubeka. NgoLwesihlanu sihlanganise umcimbi wokubonga abadlali lokudinga imali. Sizabonga abadlali bethu abenze kuhle ngoba akullutho esilusolayo ngendlela ithimu edlale ngayo,” kutsho uNgwenya.

Uqhubeke wathi: “Sinxuse abaculi njalo kuzadliwa kukholiswe kulumcimbi ngoba iqembu lizama ukudinga imali.

Umuntu oyedwa ubhadala i$40 kuthi nxa kuliqula labantu abalitshumi bazakhipha i$400 ukuthola itafula.”

Kulabadlali abahamba phambili kulabanye okukhangelelwe ukuthi baphiwe izicoco zaphezulu. Phakathi kwabadlali laba kubalisela uRahman Kutsanzira, uBruce Kangwa loba nje sewasuka kuleliqembu, uPrince Dube, uTendai Ngulube, uSimon Munawa, uPeter Muduhwa obenguye yedwa ongene kukhalenda yeCastle Lager lonozinti uAriel Sibanda.

UKutsanzira loNgulube sebegcwala ingxoxo zababukeli labalandeli bomdlalo abathi ukutshibilika kwabadlali laba kudinga ukubatshazwa. UNgulube ubabazwa ngabasekeli ababika ukuthi umdlalo wakhe utshintshile ngoba usekwazi ukupasa ibhola liyefika enyaweni zabanye bakhe kanye lokwenelisa ukuthi agadle ngokuzikhandla.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds