uMthunywa
Okudingakalayo
– Amaqanda amathathu
– Inkomitsho ezine zochago
– Ukhezo lokudla (i-cornflour)
– Itshukela ngokuthanda kwakho
– I-nutmeg egirethiweyo
– I-pie dish yokubhekisa
– I-custard ozenzele yona kumbe eyimpuphu
Ukwenziwa kwe-custard
1. Hlanganisa inkomitsho ezingu-2 zochago letshukela ngesilinganiso sakho.
2. Hlanganisa i-cornflour ngokhezo lokudla ngochago oluqandayo.
3. Faka amaqanda angu-2 atshayiweyo kukho konke okuhlanganisileyo.
4. Khathesi thela konke embizeni ufake eziko.
5. Yekela kubile emlilweni omncane wena ulokhu ugoqoza ukuze kungatsheli.
6. Bona ukuthi kujiyile.
7. Khathesi kubeke laphaya ukuthi kuphole.
Baked Custard
Okudingakalayo
– Thatha i-custard yakho oyenzileyo uyifake ku-pie dish.
– Giretha i-nutmeg.
– Vuvuzela i-nutmeg egirethiweyo phezulu kwe-custard eku-pie dish ehuquluzwe ngebhata.
– Faka i-pie dish emanzini asepaneni enkulu.
– Bheka okwemizuzu esuka ku30-40 kuoven etshisa okuyi-325F.
Ukudla
Dlana kutshisa ngemuva kokudla kwemini kumbe ntambama.
Banana Crumb Custard
Okudingakalayo
1. Inkomitsho ezimbili zochago
2. Inkomitsho eyodwa yemvuthu zekhekhe elidadlana
3. Ama-banana amathathu
4. Inkezo zetiye ezimbili zelemoni eligirethiweyo
5. ¼ yokhezo lwetiye isawudo
6. ¼ yenkomitsho itshukela
7. Ukhezo lwetiye ivanilla essence
8. Amaqanda amathathu
9. Ibhata
10. Ipane yokuphekisa
11. I-oveni yokuphekela
Ukupheka
– Qala ngokugeza izandla.
– Vuthuza ikhekhe ulifake enkomitshini.
– Thatha uchago uluthele phezu kwemvuthu zekhekhe enkomitshini.
– Yekela imvuthu zithambe okwemizuzu engu 30.
– Khathesi hluba ama-banana uwahlanganise.
– Wahlikihlele esefeni.
– Thatha amabanana ufake kumvuthu zekhekhe ezisenkomitshini ochagweni.
– Hlanganisa njalo lelemoni eligirethiweyo.
– Ngokunjalo hlanganisa lamaqanda atshayiweyo.
– Thela i-vanilla essence ngokhezo lwetiye.
– Bumba kube ngamaqatshana .
– Beka amaqatshana epaneni elamanzi atshisayo ubheke okwemizuzu engu-30 ku-oven etshisa okuyi 350F.
Khupha ku-oveni.
Ukudliwa
Dlana kusemganwini ye-pudding le-lemon sauce ngemuva kokudla kwemini loba ntambama.
