uMthunywa
Isibabazo siyaqhutshwa
Lo umhlobo wezibabazo usetshenziswa ukubiza loba ukumemeza, kanye lokukhuleka.
1. Nxa umuntu ebizwa ngebizo lakhe: sisusa unkamisa wokuqala oyisiqalo u u-. Mandla! Zibusiso! Sihle! Jabu! Thoko.
Silakho njalo ukuthi sithi we Jabu! we Thoko! we Musa!
2. Nxa umuntu ebizwa ngesibongo kumbe ngesitemo sakhe: Sisusa unkamisa wakuqala oyisiqalo kanje:
Ibizo Isibabazo
uSigola Sigola!
uDube Dube!
uNdlangamandla Ndlangamandla!
uDawu Dawu!
3. Lamabizo angasiwo amabizo abantu lezibongo zabo lawo akha isibabazo ngokususa unkamisa wakuqala:
Ibizo Isibabazo
bantu Bantu!
udadewethu Dadewethu!
amajaha Majaha!
4. Nxa sifunga silakho ukususa unkamisa osekuqaleni kwebizo kumbe silisebenzise ligcwele ibizo lelo:
Dadewethu! kaBaba!
Kumbe
Ubaba avuke! Umama sibili!
Umnewethu!
5. Amabizo ezigaba 2(a) ubunengi angasebenzisa u bo- ukwakha isibabazo, kodwa ayisiwo wonke asebenzisa indlela le:
Ibizo Isibabazo
Omama Bomama!
Omalume Bomalume!
dadewethu Bodadewethu!
6. Silakho njalo ukusebenzisa izenzo eziphoqayo njengezibabazo:
Hamba!
Geza! Sebenza! Vuka!
Nansi eminye imihlobo yezibabazo:
Umuntu onikela inja uthi sa! Umuntu othimulayo kuthiwa kuye chitha! Umuntu oqhubela omunye ulutho uthi mi! kumbe mina! Umuntu osabelayo uthi we! Umuntu ozwa ubuhlungu uthi i – i – i- ! Umuntu ofuna kuthulwe umsindo uthi –sh!
