Pheka loMaMoyo: Ukupheka inyama isintu

08 Sep, 2016 - 13:09 0 Views

uMthunywa

AMANDEBELE ayengayiwa enyameni lalamuhla lokhu benjalo, lanxa nje abantu abanengi sebethanda inyama yenkukhu.
Wona amaNdebele ayeyilalisa ngophondo lapha ekhaya,  kuyinkomo kumbe imbuzi. Batsho bethi “Safa  yibutshada” ubutshada yikukhanuka inyama. Inyama phela  yayiphekwa okwemvelo hatshi lokhu esikubona lamuhla osokudliwa amafutha (cooking oil)’ usuyiwo umhluzi.

Siyazibulala bantu bakithi ngezindlela esipheka ngazo inyama langokudla esikudlayo.

Nanzelela: inyama ebigcinwe phakathi kwendawo eqandayo i-fridge loba i-deep fridge, kufanele uyikhuphele phandle okwemizuzu engu-40 kusiya ku-60 anduba uyipheke.

Izindlela zokupheka inyama

Kulendlela eziyisithupha zokupheka inyama, nanzi lapha.

1.    Ukuyibilisa emanzini ize ivuthwe ngokunanzelela.

2.    Ukupheka phakathi kwe-oven, le ingaba yinyama yomlenze kumbe eyesifuba.

3.    Ukuyikhanzinga epaneni, le ingaba yisiteki kumbe ama-chops.

4.    Ukukhanzinga ngembiza le ingaba zimbambo, i-brisket kumbe i-topside.

5.    Ukuyixhwathisa emganwini okuthiwa yi-casserole dish ubusufaka e-oven lokubheka.

6.    Ukuyosa nje emalahleni, lokhu okuthiwa ngamawoso (braai), asikho isikhathi engingathi yiso kanye izinyama lezi ezingavuthwa ngazo, kuya ngokuthi ilukhuni okunganani kanye langomlilo opheka ngawo,   inkuni kumbe isitofu.

Inyama ephekwa isintu semvelo

Okudingakalayo

Inyama yembambo kumbe yesifuba elingana imuli yakho.

Ibhodo kumbe umphika wokupheka

Ingqamu

Isitofu kumbe inkuni

Amanzi aqandayo

Iphini

Imbiza yokuphekela

Asidingi amafutha (cooking oil) ngoba sipheka isintu.

Idishi enkulu yokugezisela

Hlanzeka wena ozabamba linyama. Geza izandla anduba ubambe inyama

Ukupheka
Thatha inyama uyigezise ngamanzi aqandayo.

Iqobe amaqatha alingana abazakudla.

Ngokunjalo wagezise amaqatha la.

Faka amaqatha embizeni opheka ngayo.

Thela amanzi athi yalala nje phezu kwenyama, hatshi amanengi.

Yekela ixhwathe amanzi aze asale emalutshwana. Thele amanye, hatshi phezu kwenyama kodwa eceleni.

Khathesi thela isawudo ubulokhu uthela amanzi emaceleni ize ivuthwe.

Izwe ukuba ivuthiwe isibili lokuthi abadli njalo ayisale lomhluzi omlutshwana,  hatshi isiziba.

Ukudliwa — phakulula kudliwe nje injalo loba kutshetshwe ngayo  isitshwala.

N.B. Imnandi inyama ephekwe isintu lawe ziphekele uke uyekele amafutha.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds