uMthunywa
Kulendoda ekhabe unkosikazi wayo ngesondo lebhiza elifayo ngesizatho sokuthi sethandana loninazala njalo usefuna ukumthatha.
Okwakhathesi kukhanya uthando obeluvutha solupholile kuSuraj Mahto oleminyaka yokuzalwa engu-22 nanko phela uthi sezisola ngokuthandana lesalukazi uAsha Devi oleminyaka engu-42.
Kungakho sefuna ukwehlukana laye.
Uthando lolu lwaqala ukuvutha ngesikhathi uNkosikazi Devi wahamba ukuyahlala lomtanakhe uLalita lomnyeni wakhe esigabeni sePuraini eBihar ngomnyaka odluleyo.
Ngesikhathi lesi nguye owayegcine umkhwenyana wakhe owayegula.
Wathi esebuyele emzini wakhe baqhubekela phambili bevakatshelana.
Ngemva kokunanzelela ukuthi kwakukhona okutshaya amanzi phakathi komkakhe lonina, uLalita wazama ukuthi babonise unina ukuthi ehlukane laye kodwa kwehlula.
Abathandanayo laba baqhubekela phambili bathanda ngoNhlangula kodwa khathesi sebedinge uncwadi zokuthi behlukane ngoba benanzelela ukuthi benza iphutha. UMnu Mahto olendodana eyodwa loLalita uthe, “ngiyananzelela iphutha lami.”
“Kanti njalo ngeke ngabuya ngaphinda into efana laleyo. Okwakhathesi ngimphatha njengomamazala wami hatshi umkami.”
UNkosikazi Devi uchaze ukuthi laye usembona njengomkhwenyana wakhe.
Sebefikile lasenkundleni ukuthi baphiwe amaphepha esehlukaniso njalo ngikhangele ukubuyelelana lomkami.”
UMnu Mahto ukhalela ukubuyelelana lomkakhe uLalita. — Ubulembu
