Abafana bakoDibi

25 Aug, 2016 - 17:08 0 Views
Abafana bakoDibi Abafana bakaDibi

uMthunywa

Kuliviki hlangana labaculi bakamaskandi, iqembu elakwenza kwabangumlandu wabo ukuthi bavuselele amasiko esiNdebeleni kunye lokwenza imizamo yokwakha isizwe.

Bayazincoma Abafana bakaDibi kungxoxo elandelayo phakathi kwentatheli yephephandaba likazulu lomsunguli waleliqembu uThabani Dibi.

ST: Sichazele ungubani ovela ngaphi njalo udume ngani?

TD:  Ibizo nginguThabani Dibi Sibanda umsunguli weqembu likamaskandi Abafana bakaDibi. Iqembu leli lasungulwa ngomnyaka ophelileyo ngamajaha amathathu.

Ekhaya ngisuka eMfilabuso ngaphansi kwenduna uVezi Mafu.

ST: Kungani lakhetha ukucula umaskandi kuleminye imihlobo yokucula?

TD: Injongo yokusungula iqembu leli yikwakha isizwe lokuvuselela amasiko ethu njengoba umaskandi udlalwa yizizwe zonke zamaNguni futhi ngumculo wabokhokho bethu sicula ngolimi lwethu lweSiNdebele.

Sicela isizwe sakithi sisamukele ngezandla zombili.

ST: Selakhupha amadlalade amangaki selokhe lasungula iqembu?

TD: Sakhupha idlalade elilodwa elibizwa ngokuthi Mbulali unesono.

ST: Kwakutheni uze ukhuphe idlalade elithi Mbulali unesono?

TD: Sonke sizintandane kubafana bakoGodlwayo, lapha sakhipha siyibhekise kuzintandane ezifana lathi.

Uyedwa kuphela eqenjini lakhe uEvans Dube olomamakhe amanye amalunga awalabazali.

ST: Selake lanxuswa ukuthi lidale emicimbini emikhulu?

TD: Yebo, sesike sadlala emicimbini emikhulu kweleSouth Africa. Le ibalisela iJoshua Mqabuko  Nkomo Day leAfrica day.

Imicimbi le yayihlelwe ngabeMatabeleland Entertainment News.

ST: Abantu bawamukele njani umculo wenu eSouth Africa kunye leZimbabwe?

TD: Abantu bawamukele kuhle umculo wethu, ebulenjini kuFacebook silabalandeli abafika inkulungwane ngenxa yalokhu esikwenzayo.

Okunye  uzubone abanye bengakholwa ukuba singamaNdebele becabanga ukuthi singamaZulu, ngoba kuyibo  abalandela amasiko amaZulu.

Kwelakithi beselutshabalele, injongo yethu yokucula umculo wesintu yikuthi abantu bengathatheki ngokwezizweni ngoba umaskandi ngowezizwe zonke zamaNguni okubalelwa  thina amaNdebele. Uculwa uvunule ibhetshu.

EZimbabwe besingakafiki kodwa siyafisa ukufika lemisakazweni yonke sizazise ebantwini.

ST: Lizibona lingaphi eminyakeni emihlanu ezayo?

TD: Abanye asebemnkantshubomvu kwezomculo abafana lobhudi uJeys Marabini bayalincoma iculo lethu, bathi ngeke utsho ukuthi lidlalade lethu lokuqala.

Lokhu kusikhuthaza ukuthi senze amanye amadlalade ngomnyaka ozayo, ngakho ngaleso sikhathi sifisa ukuthi umculo wethu ube usuzakala endaweni yonke nje.

Kuthiwa indlela ibuzwa kwabaphambili nxa ingabe sesilahleka sizoqonda kubhudi uJeys Marabini asiqondise.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds