Ukusetshenziswa kwesabizwana soqobo emitshweni

18 Aug, 2016 - 17:08 0 Views

uMthunywa

SINGANDULELA ibizo emutshweni.Lona ilitshe limkobole ikhanda. Lona yisabizwana soqobo. Ilitshe libizo.

Bona abantwana befunda. Bona yisabizwana soqobo. Abantwana libizo.

Mina Thembi ngiyakwazi ukubhala. Mina yisabizwana soqobo. Thembi libizoqho elandulelwe yisabizwana soqobobo.

Qaphela ukuthi nxa isabizwana soqobo sisetshenziswe kuqala kulebizo emutshweni siyabe sisebenze ukugcizelela ibizo lelo.

Singalandela ibizo emutshweni.

Inkabi zona zibotshiwe. Inkabi libizo. Zona yisabizwana soqobo esilandela ibizo inkabi emutshweni.

Ilitshe lona limtshaye ekhanda. Ilitshe libizo. Lona yisabizwana soqobo esilandela ibizo ilitshe emutshweni. Nxa isabizwana soqobo sisetshenziswe salandela ibizo emutshweni siyabe sigcizelela lelo bizo.

Singaba yinhloko yomutsho.

Bona bathule zwi. Bona yisabizwana soqobo esiyinhloko yalumutsho.

Sona sibuhlungu. Sona yisabizwana soqobo esiyinhloko yomutsho lapha.

Nxa isabizwana soqobo sisetshenziswe ngengenhloko emutshweni, siyabe simele ibizo, sithethe isikhundla sebizo.

Singaba ngumenziwa emtshweni isabizwana soqobo.

Umama uthenge sona. U — sona yisabizwana soqobo esingumenziwa emutshweni lo.

Abadala banatha bona. Bona yisabizwana soqobo esingumenziwa emutshweni lo.

Nxa isabizwana soqobo sisetshenziswe njengomenziwa, siyabe simele ibizo elingumenziwa emutshweni.

Isabizwana soqobo singandulela esinye isabizwana emutshweni.

Udadewabo uthenge sona lesi. Sona yisabizwana soqobo esandulele u — lesi uyisabizwana sokukhomba eduze.

Zona ezimhlophe ngezakhe. Zona yisabizwana soqobo esandulele ezimhlophe oyisabizwana sokuchasisa.

 

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds