uMthunywa
Silokhu singazo izincindamlomo bantu bakithi. Ziyadliwa ezimnandi.
Abanye bahlaba inkomo loba imbuzi badle inyama baze batshayane ngayo. Pheka inyama yakho ubusuzenzela iphudingi (pudding) yakho ye-sherry trifle lamabhanana. Ilula ukuyenza, nansi lapha.
Okudingakalayo
– Amabhanana angu 4.
- Ikhekhe lesipantshi (sponge cake) eliyi 225grams.
– Icustard ephekwe yajiya eyi 425ml.
– Isherry emnandi eyi 150 ml.
– Ijamu (jam) ye-strawberry kumbe eye-rasberry engaba yi100ml kumbe ingxenye yenkomitsho.
– Ulaza (cream) oluyi 300ml.
– Itshukela okuthiwa yi-castor sugar engaba zinkezo zetiye ezimbili.
– Amazambane aqunyiweyo (chopped nuts) angaba zinkezo zokudla ezimbili.
- Umganu wokuhlanganisela omkhulu lamaphini okuhlanganisa.
- I-jelly ye-raspberry kumbe i-strawberry engaba yi425ml.
- Umganu wegilasi wokuthela ndawonye konke okwenzileyo.
- Ifiriji eqandayo.
Ukwenziwa
-Geza izandla zakho.
-Hluba amakhasi wonke amabhanana.
-Quma amabhanana abeyiziqana. ezincinyane
-Hlanganisa iziqa zamabhanana le-custard ekhudumalayo oyiphekileyo
-Khathesi thatha ikhekhe lesipantshi ulisike iziqa ezilula.- Gcoba iziqa zekhekhe ngejamu yeraspberry kumbe istrawberry.
-Thatha iziqa zekhekhe uzendlale emganwini wengilazi.
-Vuvuzela phezulu ngesherry.
- Khathesi faka ijelly yestrawberry phezu kweziqa zesipantshi sekhekhe.
- Thela njalo phezulu icustard ehlanganiswe lamabhanana.
- Beka laphayana kungani kuyaphola.
- Khathesi thatha icastor sugar uhlanganise lolaza.
- Tshaya ngesitshayo kuze kuhlangane kube lubundubundu.
- Thela lolu bundubundu phezulu komganu we-glass.
-Sika ama-sherry abezincezwana.
-Thatha incezu zama-sherry lamazambane uzibeke emganwini phezu kolaza ucecise.
- Thatha umganu wonke wegilasi uwufake efirijini.
- Yekela umganu kufuriji okwamahola asuka kuhola elilengxenye kusiya kwamabili.
Dlana kuqanda ngemva kokudla kwemini kumbe ntambama. Imnandi sibisibili ipudding le, ziphekele uyidle.