Vikelani amazinyane, sebenzisa ama-kid box

22 Jul, 2016 - 00:07 0 Views

uMthunywa

Buhlebenkosi Gaule
Abalimi abafuye imbuzi sebekhuthazwe ukuba basebenzise ama-kid boxes ukuze bavikele amazinyane kumkhuhlane wesihlabo ngalesisikhathi somqando.

Omunye umlimi weSolusi uMnumzana Webster Ncube uveze ukuba ama-kid boxes ayaphathisa kakhulu ukuthi amazinyane azelwe ngesikhathi somqando avikeleke emkhuhlaneni.

“Ngithole ulwazi ngama-kid boxes ayenzwe ngendlela yokuthi kumele akhudumeze amazinyana engangenwa ngumqando njalo ngokuwasebenzisa nginanzelele ukuthi malutshwane amazinyane ahlaselwe yimikhuhlane,” kutsho uMnu Ncube.

Uqhubekele phambili esithi isikhathini esinengi abalimi banakekela kakhulu inkukhu balibale ngamazinyane okucina kubangela ukuthi balahlekelwe ngamazinyane la ngoba nxa esanda kuzalwa ayabe engakaqini kungakho ayabe efuna ukunanzelelwa.

“Amazinyane nxa esesemancane kumele umlimi abone ukuba ayamunya ukuze aqine njalo lokhu kuyaphathisa ukuthi engahlaselwa lula yimikhuhlane.

“Lokhu-ke kudinga ukuthi umlimi enze ama-kid box ukuze amazinyane ahlale ekhudumala njalo lezibaya zembuzi kumele zikhudumale,” kuchasisa uMnu Ncube.

Kubikwa amazinyane afakwa kuma-kid box ngasanda kuzalwa kusiya kulawo aselenyanga ezintathu ngoba yikho lapho amasotsha awo omzimba ayabe eselakho ukumelana lemikhuhlane.

UMnu Ncube uphethe ngokucebisa abalimi ukuthi lanxa befaka amazinyane kuma-kid box kumele babone ukuthi kawaminyani ngoba lokhu kucina kubangela ukumemetheka kwemikhuhlane.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds