Izifundo zabo Grade 7

24 Jun, 2016 - 00:06 0 Views

uMthunywa

NGIYALIBINGELELA bokhekhe. Ngithemba liqhuba kuhle ngezifundo zenu ezikolo ezitshiyeneyo.

Asiqaleni ngempendulo zeviki ephelileyo.
(a) Ulomnyama.
(b) Akondlayo kuyabukeka. Nxa ehlabe inkomo inyama iba mnandi.
(c) Uzala abantwana abahle.
(d) Uyancitshana.
(e) Ulomusa.
(f) Ulamawala.
(g) Uthanda ukuhamba kakhulu.
(h) Kalankani, umangele.
(i) Akwenze ngezandla zakhe kuyabukeka.
(j) Uthanda ukunyeya.

Impendulo zomsebenzi wesibili.
(a) Ihawu lenziwa ngesigogo.
(b) Udiwo lwenziwa ngomdaka.
(c) Isiphungo sihlanzwa yintanga.
(d) Isihluzo senziwa ngentanga zemizi.
(e) Ibhetshu lenziwa ngesigogo.
(f) Ixaba lenziwa ngesigogo.
(g) Icansi lenziwa ngemizi lentambo.
(h) Isiqhama senziwa ngesisoso semvu.
(i) Imbatata zenziwa ngesigogo.
(j) Isithebe senziwa ngentambo zemizi.
(k) Isilulu senziwa ngotshani.
(l) Umchilo wenziwa ngesigogo.
(m) Igoda lenziwa ngesigogo.
(n) Isigxingi sihlanzwa yintaga.
(o) Ihwanda lenziwa ngempande zentakubomvu ezicaziweyo.
(p) Udlawu lwenziwa ngensimbi.
(q) Umkhala wenziwa ngengxoza.
(r) Ugqwaqo lwenziwa ngogodo.

Nanku umsebenzi wakule iviki

Khetha libe linye ibala eliqondileyo.
(a) Abafana (bacutha/bahlinza) umvundla.
(b) Umama (uphothula/ uchola) umcaba.
(c) Udadewabo (Uthunga/weluka) icansi.
(d) Uyihlo (Uzakuza/ uzabuya) nini lapha aye khona?
(e) Ubaba (ubulale/uhlabe) inkomo.
(f) Obabamkhulu babulele (iqhaga/isigxingi) bebangisana ukunatha utshwala.
(g) Inkomokazi le (isinyeleza/ isizala) khathesi bafana.
(h) Umbuzikazi le ibonakala (ngesisu/ngebele) ukuthi isizazala.
(i) Esidlekeni sejuba (kulamatsiyane/amachwane) amabili.
(j) Abantwana bebegola (impolompolo/ izinhlwa) izolo.

Umsebenzi wenu wesibili.
Kuyini lokhu?
(a) Inyama ephekwa iyekelwe iphole ize idliwe ngakusasa isiqanda.
(b) Amanzana la anembulukayo alapha kuhlangana khona amathambo njengedolweni.
(c) Umfana owehlula abanye ekweluseni.
(d) Lokhu okufakwa emakhaleni eguqa nxa limunyela inkonyane.
(e) Imithi edliwa ngabafelweyo.
(f) Umchilo wabelusi owelukwa ngenxoza.
(g) Isikhala esingaphansi kwegula lapha kuphuma khona umlaza.
(h) Amafutha okugcoba enziwa ngolaza.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds