Uncategorized

Baliphendula umkhoba ixhegu lakoSigola . . . ‘sihamba ngaye simntshintshana ebusuku’

19 May, 2016 - 00:05 0 Views
Baliphendula umkhoba ixhegu lakoSigola . . . ‘sihamba ngaye simntshintshana ebusuku’ UMnu Siziba

uMthunywa

Cornelius Luphahla
KAZILAMATHE izakhamizi zesigabeni sakoSigola empumalanga kwedolobho lakoBulawayo ngemva kokuba elinye ixhegu lakule indawo elilesikhathi eside lanyamalala litholakale esiphaleni sesinye isakhamuzi esiyisihlobo salo okubikwa besiliphendule laba ngumatholwane waso silezinye izakhamizi.

Imbedumehlwana le yenzakale kuviki ephelileyo lapho elinye ixhegu lakule indawo elivezwe ngokuthi nguNdlovu elitholakale seloma qha esiphaleni somfowabo ngemva kokuba lileminyaka ethile lanyamalala, okucatshangelwa ukuba lalicatshiswe ngumninisiphala lesi kanye lezinye izakhamizi ezingu-9 belisebenzisa ukuligada ebusuku kanye lokubulala abanye abantu, uMthunywa ukuzwile lokhu.

UMthunywa uxhumane loMnumzana Samson Ndebele oyisakhamuzi sakule indawo waveza ukuthi laye wayekhona mhla kukhitshwa umuntu lo njalo kazake akubone okunjeya.

“Lokhe ngakhotha udengezi lwedubha kangizake ngikubone okunjeya, abantu bagangile sibili phandle lapha.

UNdlovu waphuma esiphaleni esewome qha kodwa engelaphunga ngitsho okutshengisa ukuthi kukhona abamenza khona ukuze engonakali. Into eyethusayo yikuthi wanyamalala kudala njalo kakho umuntu obengacabangela ukuthi uzabonakala futhi.

“Kunjalo nje ababemthethe ngethuba simdinga babesincedisa khonapho besazi ukuthi bamgcinile esiphaleni. Isimanga yikuthi wayecatshiswe yizihlobo zakhe asazi ukuthi zazimbangisani,” kutsho uMnu Ndebele.

Omunye wabaphurofethi abakhiphe ixhegu leli esiphaleni oziveze ngokuthi nguSiziba uchaze ukuthi obegcine lelixhegu uvumile ukuthi nguye owalicatshisayo elabangane bakhe.

“Ixhegu leli balinyamalalisa kudala latshiya umuzi walo laphenduka laba ngumatholwane. Sithe sibuza onguye okutholakale eligcine esiphaleni wavuma ukuthi yibo abalicatshisayo wathi balicatshisa belitshumi njalo balisebenzisa belintshintshana njengokulicatshisa.

“Inengi labantu abalicatshisayo lelixhegu yizihlobo zalo yikho obekusenza ukuthi kubenzima ukuba nxa abantwabalo belidinga balibone. Noma nje simkhiphile umuntu lo kodwa besokukudala wafa njalo engasasengumuntu ocacayo yikho simtshisile,” kuphetha uMnu Siziba.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds