uMthunywa
UFE kabuhlungu umfana oleminyaka yokuzalwa emithathu nje kuphela ngemva kokuba inja yangakibo imdlavuze waze wafa emkulwini wangakibo eMlazi eThekweni kuyonale iviki.
Isehlakalo lesi esitshaqisa umzimba senzakale emini ngesikhathi umfana lo edlala lalinja.
Abosizo oluphuthumayo amambulesi bathe bathole umntwna lo elele echibini legazi emkulwini wangakibo ngemva kokuba bebizwe kuthiwa kulomuntu olunywe yinja.
Isikhulumi sabosizo oluphuthumayo uChris botha uthe imibiko ithi umntwana lo uhlaselwe yinja yangakibo eyohlobo lwe pit bull.
“Abe-ambulensi bafike ngakibo bafica umfana lo ethe daca emkulwini elimele kakhulu njalo elamanxeba ayesabekayo kulandlela ukuhlaselwa yinja le.
Kukhanya imhlasele esivandeni umntwana wasethwalelwa endlini ngabangakibokodwa ngokuswelakala kwenhlanhla umntwana uhle wasweleka.
“Kuvele ukuba ngesikhathi i-ambulensi ifika besokukudala edlule lumntwana.”
ULieutenant Nqobile Gwala uthe: “Umfana oleminyaka engu-3 yokuzalwa udlavuzwe yinja wasala emanxebanxeba kuZigqaje Road kuM section.
“Amapholisa eMlazi asaludingisisa loludaba olulusizi.” — Ubulembu
