Uncategorized

Ubhuqwa abaleke enqunu kubangwa indoda

05 Jan, 2016 - 16:01 0 Views
Ubhuqwa abaleke enqunu kubangwa indoda UNkosazana Sikhanyisiwe Sibanda esembeswa ngelembu yizakhamizi

uMthunywa

YiNtatheli kaMthunywa
ZIBUKELE ibhayisikopo yamahala izakhamizi zelokitshini lePumula North koBulawayo ngemva kokuba amanye amantombazana ebhuqane kwabaluthuli ebanga indoda omunye waze wabaleka ebhunyumunyu ethi usesiyazibophela.

Isiga lesi senzakale ngoLwesithathu kuviki ephelileyo lapho uNkosazana Melody Ncube agiqane khona loNkosazana Sikhanyisiwe Sibanda bebanga uMaxwell Moyo.

Kubikwa uMaxwell ubekhonjwe nguMelody kodwa ubesethandana njalo loSikhanyisiwe.

UMthunywa ukhulumisane loNkosazana Zithelo Ndlovu owayekhona mhla amantombazana la ezwana amandla wachaza ukuba impi le yaqala betheza inkuni.

“UMelody wasibiza labangane bami loSikhanyisiwe wathi siyetheza inkuni epulazini. Sithe sisatheza uMelody waqala ukubuza uSikhanyisiwe ngejaha lakhe uMaxwell okwabangela ukuthi bacine sebesilwa kodwa saphanga sabhula umlilo kodwa uSikhanyisiwe wathi khona ezamlanda endlini yakhe bayeqedelana,” kutsho uNkszn Ndlovu.

Kuzwakale njalo ukuthi sebevela theza inkuni uNkszn Sibanda waqonda koNkszn Ncube wathi uzomtshaya ngoba uthe uthandana lendoda yakhe yona ingamthathanga.

“UMelody yena laye wahle wamsukela ngempama kwahle kwaqala impi le.

Esinye isakhamuzi sakulelilokitshi esithande ukubizwa ngokuthi nguMaDube siveze ukuthi uNkoszn Sibanda wakhulelwa nguNkoszn Ncube waze wamhlubula lezigqoko okwenza wabaleka esegqoke isudu yokuzalwa esithi usesiyazibophela.

“USikhanyisiwe waphinda wazithela phezu kwelinye ijaha lakhe lalo elahle lamsukela lamtshaya kwaze kwalamula abantu abacina bemembesa ngelembu bemvala ubunqunu,” kutsho uMaDube.

Ebuzwa ngale indaba uNkszn Sibanda uchaze ukuthi kuliqiniso ukuthi watshaywa kodwa kakwazi ukuthi wenzani.

“UMelody wangitshaya sibili njalo angimbiselanga ngoba ngangingazi ukuthi ngimoneleni yikho ngangibona ukuthi kungcono ngife ngoba kafuni ukungibona ngiphila,” kuchaza uSikhanyisiwe.

Imizamo yokukhulumisana loNkszn Ncube yehlule ngoba ucingo lwakhe lwalile ukungena.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds